پشاور میں ڈینگی کا آدم خوری سے پیٹ نہ بھرا ،ہلاکتیں 30ہوگئیں

پشاور(خصوصی رپورٹ)صوبائی دارلحکومت پشاور میں ڈینگی بخار نےخاتون سمیت دو مزید افراد کی جان لے لی، صوبے میں جاں بحق افراد کی تعداد 30تک پہنچ گئی، جبکہ ڈینگی سے متاثرہ 270مزید کیسز سامنے آگئے۔ ڈینگی رسپونس یونٹ کے مطابق سفید ڈھیری کے رہئشی 45سالہ احسان اللہ اور 50 سالہ ارمرہ دختر محمد دین سکن ہبورڈ بازار کو 19ستمبر کو ہسپتال میں داخل کیا گیا تھا جہاں وہ گزشتہ روز دم توڑ گئے، دونوں مریضوں میں ڈینگی وائرنس کی تصدیق کی گئی ، ہسپتالوں میں 1682 مزید افراد کا ٹیسٹ کیا گیا جن میں 270 میں مرض کی تشخیص کی گئی،117 مریضوں کو داخل کیا گیا جبکہ 134 کو صحت یابی کے بعد ڈسچارج کردیا گیا۔ خیبرپختونخوا میں ڈینگی نے اب تک 30افراد کی جان لے لی ہے۔