لاہور( خصوصی رپورٹ) جیو اور جنگ گروپ کے ایڈیٹر انچیف میر شکیل الرحمنٰ نے وضاحت کی ہے کہ کرکٹ ایوارڈز کی تقریب جیو کا آئیڈیا تھا جس کے تمام اخراجات بھی جیو نے برداشت کئے، خبریںکے چیف ایڈیٹر ضیا شاہد کے نام ایک وضاحتی خط میں میر شکیل الرحمنٰ نے کہا ہے کہ یہ کرکٹ کیلئے ٹی وی کے حقوق کا معاملہ نہیں تھا، اسی لئے اس کی کوئی نیلامی نہیں ہوئی، یہ سارا معاملہ قانونی طریقے پر ہوا۔ یہ جیو کا ہی آئیڈیا تھا اور اس کے تمام اخراجات بھی جیو نے برداشت کئے، یہ اس طرح کے بہت سے ایونٹس کی طرح ہے جو امریکہ اور برطانیہ میں ہوتے ہیں، ہم نے اس کے براڈ کاسٹنگ حقوق حاصل کئے، ہم نے گراو¿نڈ منی اور پروڈکشن سمیت اس پر سارے اخراجات خود کئے۔
