اللہ کے گھر ننھے مہمانوں کی آمد

مکہ مکرمہ (ویب ڈیسک )سعودی عرب میں 9 خواتین حجاج کے ہاں بچوں کی پیدا ئش ہوئی۔ سعودی میڈیا کے مطابق حج کے آغاز سے لے کر اب تک 9 خواتین حجاج کے ہاں بچوں کی ولادت ہوئی۔ مکہ مکرمہ زچہ بچہ ہسپتال کے مطابق تمام خواتین کو طبی سہولتیں فراہم کی گئی ہیں۔ا نتظامیہ کا کہنا تھا تمام نومولود خیریت سے ہیں۔ کاغذی کارروائی کے بعد بچوں کو والدین کے حوالے کر دیا گیا۔دوسری جانب میدان عرفات میں خیمے میں کرنٹ لگنے سے2 سکیورٹی اہلکارجاں بحق ہوگئے۔سعودی میڈیا کے مطابق ایک سیکیورٹی اہلکار کو طہارت خانے کی کنڈی پر ہاتھ رکھنے سے کرنٹ لگا ۔ دوسرے سکیورٹی اہلکار کی جانب سے بچانیکی کوشش میں ساتھی اہلکار کو بھی کرنٹ لگا۔جاں بحق اہلکاروں کو تعلق مشرقی ریجن سے تھا، دونوں اہلکار میدان عرفات میں ٹریفک کنٹرول کی ڈیوٹی پر مامور تھے۔