آوارہ کتوں کے رنگ میں اچانک تبدیلی،شہریوں کا فو ری نو ٹس کامطالبہ

ممبئی (ویب ڈیسک ) بالی ووڈ نگری یعنی ممبئی کے صنعتی علاقے تلوجا اور گرد و نواح میں رہنے والے لوگ آج کل شدید حیران و پریشان ہیں کیونکہ وہاں آوارہ کتوں کی رنگت نیلی ہونے لگی ہے۔اس صورتِ حال کا نوٹس لیتے ہوئے ”ممبئی اینیمل پروٹیکشن سیل“ نے مہاراشٹر پولیوشن کنٹرول بورڈ میں شکایت جمع کروائی ہے جس میں کہا گیا ہے کہ اس علاقے میں تقریباً 1000 کارخانوں سے صنعتی فضلے کے اخراج نے وہاں بہنے والی ندی ”کسادی“ کو شدید طور پر ا?لودہ کردیا ہے جس سے انسانوں کے علاوہ جانوروں کو بھی شدید خطرات لاحق ہو گئے ہیں۔
ممبئی اینیمل پروٹیکشن بورڈ کا کہنا ہے کہ اب تک تلوجا کے علاقے میں کم از کم ایسے پانچ کتے دیکھے جا چکے ہیں جن کی رنگت نیلی ہے۔ ماحولیاتی ماہرین کو پورا یقین ہے کہ اس کی وجہ کسادی ندی میں غیرمعمولی طور پر بڑھتی ہوئی آلودگی ہے کیونکہ آوارہ کتے عموماً یہیں سے پانی پیتے ہیں اور ندی کنارے پڑے ہوئے کچرے کے ڈھیروں میں اپنے لیے کھانا تلاش کرتے ہیں۔