پنجاب کے ضلع خانیوال میں حلقہ پی پی206 کے ضمنی انتخابات کے دوران پولنگ اسٹیشن نمبر 63 پر مردہ شخص کا ووٹ کاسٹ ہو گیا۔
تفصیلات کے مطابق پولنگ اسٹیشن نمبر 63 پر جعلی ووٹ پکڑا گیا، محمد جمیل جس کا 14 ماہ قبل انتقال ہو چکا تھا، اس کا ووٹ کاسٹ کر دیا گیا۔
مذکورہ شخص کا بیٹا خود ووٹ ڈالنے آیا، اس حوالے سے معلومات کی گئیں تو یہ بات سامنے آئی کہ یہ شخص فوت ہو چکا ہے۔
مردہ شخص کا ڈیتھ سرٹیفکیٹ اور ووٹ کاسٹنگ بیلٹ پیپر بھی پولنگ اسٹیشن پر موجود تھا جو بول نیوز نے حاصل کرلیا ۔
