انٹر سروسز پبلک ریلیشنز (آئی ایس پی آر) کے مطابق لوئر دیر میں افغانستان کی طرف سے دہشتگردوں نے پاک فوج کی چیک پوسٹ پر فائرنگ کی جس کے نتیجے میں حوالدار گل امیر شہید ہوگئے۔
آئی ایس پی آر کا کہنا ہے کہ پاک فوج نے دہشتگردوں کی فائرنگ کا بھرپور جواب دیا، پاک فوجی کی جوابی کارروائی میں ایک دہشت گرد ہلاک اور 3 زخمی ہوگئے۔
آئی ایس پی آر کے مطابق دہشتگردوں کی فائرنگ سے حوالدار گل امیر شدید زخمی ہوئے تھے لیکن دوران علاج وہ شہید ہوگئے۔
شہید حوالدار گل امیر کا تعلق لکی مروت سے تھا۔
