”نواز شریف نے مجھے جیل بھجوانے کی کوشش کی“, جمائما کا سنسنی خیز انکشاف

لندن (ویب ڈیسک) سپریم کورٹ کی جانب سے پاناما کیس میں نوازشریف کو نااہل قرار دیے جانے کی خبریں اس وقت انٹرنیشنل میڈیا کی زینت بنی ہوئی ہیں اور ایسے میں پاکستان تحریک انصاف کے چیئرمین عمران خان کی سابق اہلیہ جمائمہ خان نےنوازشریف کو نااہل قرار دیئے جانے پر خوشی کا اظہار کرتے ہوئے ٹویٹر پر کئی پیغام جاری کیے اور انہو ں نے عمران خان کو مبارک باد بھی دی۔تفصیلات کے مطابق جمائمہ خان کا ٹویٹر پر اپنے پیغام میں کہنا تھا کہ ’اچھا ہوا اس شخص سے چھٹکارا مل گیا جس نے مجھے سمگلنگ کے جھوٹے الزام اس وقت جیل میں ڈالنے کی کوشش کی جب میں حاملہ تھی اوراس وقت میں دوسرے بچے کی ماں بننے والی تھی ‘۔اس سے قبل انہو ں نے ٹویٹرپر نوازشریف کو نااہل قرار دیئے جانے والی خبر کو شیئر کرتے ہوئے لکھا کہ ’گو نواز گو‘۔اضح رہے کہ جمائمہ اس بارے میں بات کر رہی ہیں جب وہ عمران خان کی اہلیہ تھیں اور 1999میں نوازشریف کے دور حکومت میں ان پر مبینہ طور پر سمگلنگ کا الزام عائد کیا گیا تھا۔میڈیا رپورٹس کے مطابق جمائمہ پر الزام عائد کیا گیا تھا کہ انہو ں نے لندن میں پنی والدہ کو دسمبر 1998میں انتہائی نایاب قسم کی 397ٹائلز غیر قانونی طریقے سے بھیجنے کی کوشش کی جسے پاکستانی کسٹمز نے پکڑ لیا تھا۔