پاکستان کا ٹیکنالوجی کے سفر میں اہم اقدام منظر پر

اسلام آباد(ویب ڈیسک)اسلام آباد میں آئی ٹی پارک کے قیام کیلئے پاکستان اور کوریا کے بینک کے درمیان معاہدہ طے پاگیا،معاہدے کے تحت کوریا کا بینک آئی ٹی پارک کیلئے قرض فراہم کرے گا،پارک کی تعمیر پر 10ارب روپے لاگت آئے گی،وزیرخزانہ اسحاق ڈار نے کہا ہے کہ آئی ٹی پارک کثیر الجہت ہوگا اور ٹیکنالوجی کا سنگ میل عبور کرنے میں مددگار ہوگا۔منگل کو پاکستان اور کوریا کے بینک کے درمیان آئی ٹی پارک کے قیام کیلئے معاہدہ طے پاگیا،یہ ملک کا پہلا جدید ترین آئی ٹی پارک ہوگا،آئی ٹی پارک میں 5ہزار آئی ٹی ماہرین کیلئے جگہ مہیا ہوگی،اس نوعیت کے آئی ٹی پارک کراچی اور لاہور میں بھی تعمیر کیئے جائیں گے۔معاہدے کی دستخط کی تقریب سے خطاب کرتے ہوئے وزیرخزانہ اسحاق ڈار نے کہا کہ کوریا کے قرض سے ڈیجیٹل پاکستان کے وژن کو پورا کرنے میں مدد ملے گی،آئی ٹی پارک کثیرالجہت ہوگا،ٹیکنالوجی کا سنگ میل عبور کرنے میں مدد ملے گی،قرض کی فراہمی کیلئے کوریا کے بینک کے شکرگزار ہیں۔انہوں نے کہا کہ 2010میں کوریا کو ای ڈی سی ایف کے ساتھ معاہدے پر دستخط کیے تھے،کوریا نے پاکستان میں پہلے موٹرو ے منصوبے میں مدد کی تھی۔اس موقع پر وزیرمملکت آئی ٹی انوشہ رحمان نے کہا کہ ہمیں آئی ٹی کے شعبے کو ایک صنعت کے طور پر دیکھنا ہے،آئی ٹی پارک میں 100سے زائد کمپنیوں کے کام کرنے کی گنجائش ہوگی،آئی ٹی پارک تمام جدید سہولتوں سے آراستہ ہوگا۔انہوں نے کہا کہ عالمی معیار کے مطابق پاکستان کا پہلا جدید آئی ٹی پارک ہوگا۔