بلاول کی دعوت افطار میں آج کیا کیا کھانے تیار ہورہے ہیں ملاحظہ کیجئے

لاہور (ویب ڈیسک)زرداری ہاﺅس میں آج مشترکہ اپوزیشن کی گرینڈ میٹنگ ہونے جارہی ہے اور اس موقع پر افطاری کیلئے بڑے پیمانے پر نہایت دلنشین کھانے بھی تیار کیے جارہے ہیں جس کی فہرست منظر عام پر آ گئی ہے۔افطار ڈنر میں کھانے کے حوالے سے تمام مہمانوں کی پسند اور ناپسند کا خصوصی خیا ل رکھا گیاہے تاہم کھانے میں بھنڈی ، بریانی ، پالک پنیر ، باربی کیو، قورمہ سمیت دیگر سالن شامل ہوں گے جبکہ اس کے علاوہ چنا چاٹ ، فروٹ چاٹ ، پھل ،پکوڑے اور شربت مہمانوں کو پیش کیے جائیں گے۔افطار ڈنر کے بعد زرداری ہاﺅس میں میٹنگ ہو گی جو کہ تقریب دو گھنٹے جاری رہے گی جس اور تقریبا پونے 9بجے میزبان مہمانوں کے ہمراہ میڈیا سے گفتگو بھی کریں گے۔یاد رہے کہ افطار ڈنر کیلئے ن لیگ کی نائب صدر مریم نواز کو بھی خصوصی طور پر مدعو کیا گیا ہے جس کا فیصلہ پیپلز پارٹی کی کورکمیٹی کے اجلاس میں کیا گیا جبکہ ان کے علاوہ اسفند یار والی ، مولانا فضل الرحمان سمیت دیگر کئی اہم شخصیت بھی شرکت کریں گے۔