نواز شریف پھنس چکے, میڈیا مہم تیز کی جائے, اہم شخصیت کا اعلان

اسلام آباد (مانیٹرنگ ڈیسک) چیئرمین پی ٹی آئی عمران خان کی زیر صدارت بنی گالہ میں تحریک انصاف کی میڈیا پالیسی پر اہم اجلاس ہوا، اجلاس میں عمران خان نے پانامہ کیس کے حوالے سے پارٹی رہنماﺅں کو جارحانہ انداز اپنانے کی ہدایت جاری کر دی ہے۔ تفصیلات کے مطابق میڈیا پالیسی پر چیئرمین تحریک انصاف عمران خان کی زیر صدارت پارٹی رہنماﺅں کا ایک اہم اجلاس ہوا، اجلاس میں نعیم الحق، اسد عمر، فیصل جاوید اور افتخار درانی شریک ہوئے، عمران خان کا کہنا تھا کہ حکمران پانامہ کیس میں بری طرح پھنس چکے ہیں، پانامہ کیس معاملے کو میڈیا پر موثر انداز میں اٹھایا جائے، کرپشن کے خلاف عوام کو پی ٹی آئی کے موقف سے پوری طرح آگاہ رکھا جائے۔ انہوں نے پارٹی رہنماﺅںکو میڈیا پر جارحانہ انداز اپنانے کی ہدایت جاری کر دی ہے۔ عمران خان نے پارٹی قیادت کو خیبر پختنخواہ حکومت کی کارکردگی کو بہتر انداز میں اجاگر کرنے کی ہدایات جاری کی ہیں کیونکہ خیبر پختونخوا میں پی ٹی آئی حکومت کی کارکردگی ہی آئندہ انتخابات میں عوامی مینڈیٹ ثابت ہو گی۔