کشمیری بچیاں بھی آزادی کی جنگ میں شریک ہیں ،کامل علی آغا،کامران مرتضیٰ اور عامر ڈوگرکی نیوز ایٹ ٹین میں بات چیت

اسلام آباد (مانیٹرنگ ڈیسک) ماہر قانون کامران مرتضیٰ نے کہا ہے کہ وزیراعظم کے بیٹے کو جے آئی ٹی کے سامنے پیش اتنا خاص بات نہیں دوسرے ملکوں میں تو یہ عام بات سمجھیجاتی ہے لیکن پاکستان میں یہ ایک نئی شروعات ہے چینل ۵ کے پروگرام نیوز ایٹ 10میں گفتگو کرتے ہوئے انہوں نے کہا دوسری مرتبہ وہ پانچ گھنٹے جے آئی ٹی کے پاس رہے لیکن حسین نواز یقیناً دباﺅ میں ہوں گے۔ ان کا لیول بھی کم ہوگیا تھا میرے خیال میں وزیراعظم کو بھی جے آئی ٹی بلانے جارہی ہے اور ان سے بھی ایسے ہی تفتیش کرے گی جیسے حسین نواز سے کررہی ہے۔ کامل علی آغا نے کہا کہ کشمیر میں بھارتی افواج کے ظلم کو 40سال سے زائد کا عرصہ گزر چکا لیکن جو پاکستان کو کرنا چاہئے تھا وہ پاکستان نہیں کررہا۔ کشمیر میں اب خواتین خاص طور پر بارہ بارہ سال کی بچیاں بھی آزادی کو جنگ میں شریک ہیں ہمیں بھارت کا مکروہ چہرہ دنیا کے سامنے عیاں کرنے کیلئے کردار ادا کرنا ہوگا۔ کیونکہ کشمیر پاکستان کا حصہ ہے۔ تحریک انصاف کے رہنما عامر ڈوگر نے کہا بجٹ کا اجلاس سال میں ایک بار ہوتا ہے اور اس میں سب کو بولنے کا موقع ملنا چاہئے لیکن ایسا نہیں کیا جاتا حکومت کو ہوش کے ناخن لینے چاہئیں پی ٹی وی ایک قومی ادارہ ہے لیکن وہ نواز لیگ کی زبان بولتا ہے۔