نواز شریف سندھ میں آئیں, بلاول کا وزیراعظم بارے حیران کُن بیان

لاہور(آن لائن) چیئرمین پیپلزپارٹی بلاول بھٹو زرداری نے کہا ہے کہ سندھ میں وزیراعظم کو نہ صرف خوش آمدید کہیں گے بلکہ فول پروف سکیورٹی بھی دینگے، بدقسمتی سے پنجاب میں ہمارے کارکنوں پر حملے ہورہے ہیں، ان خیالات کا اظہار انہوں نے سینیٹر رانا کاظم مرحوم کی رہائشگاہ آمد کے موقع پر میڈیا سے گفتگو میں کیا، چیئرمین پیپلزپارٹی بلاول بھٹو زرداری نے رانا کاظم کے اہلخانہ سے تعزیت کرتے ہوئے کہا کہ مردم شماری کے حوالے سے تحفظات ہیں اور امید رکھتے ہیں کہ مردم شماری غیر متنازع ہوگی، انہوں نے کہا کہ وزیراعظم نوازشریف کو سندھ میں خوش آمدید کہیں گے، امید رکھتے ہیں کہ پنجاب میں بھی ہمارے ساتھ ایسا ہی سلوک ہوگا مگر بدقسمتی سے ہمیں پنجاب میں سکیورٹی نہیں دی جاتی، اور ہمارے کارکنوں پر حملے ہورہے ہیں، ہمیں ڈرا کر جلسے رکوائے جاتے ہیں لیکن ہم نوازشریف کو جلسوں کی سکیورٹی دیتے ہیں انہوں نے مزید کہا کہ کاظم خان ہمارا سیاسی اثاثہ تھے اور ہم ان کی پارٹی خدمات کو کبھی نہیں بھول سکتے ان کی خدمات کو ہمیشہ یاد رکھا جائیگا۔