کمانڈر بحرین نیشنل گارڈ نے نیول ہیڈ کوار ٹرز اسلام آباد کا دورہ کیا ہے، گزشتہ روز بحرین نیشنل گارڈز کے کمانڈر نے ایئرہیڈ کوارٹرز اسلام آباد کا دورہ کیا تھا۔ آج انھوں نے نیول چیف سے ملاقات کی جب کہ گزشتہ روز پاک فضائیہ کے سربراہ ایئرچیف مارشل ظہیر احمد بابر سدھو سے ملاقات کی تھی۔
آئی ایس پی آر کے مطابق نیول چیف سے ملاقات میں دوطرفہ تعاون کے فروغ پر تبادلہ خیال کیا گیا۔
کمانڈر بحرین نیشنل گارڈ نے پاک بحریہ کی کاوشوں کو سراہا۔
ترجمان پاک فوج کے مطابق کمانڈر بحرین نیشنل گارڈ کے دورے سے دونوں ممالک کے تعلقات کو مزید فروغ ملے گا۔
جمعرات کو بحرینی کمانڈر اور پاکستانی ایئر چیف کے درمیان ملاقات میں باہمی دلچسپی کے امور اور حکومتی سطح پر تعاون پربات چیت کی گئی۔
آئی ایس پی آر کے مطابق ملاقات میں ڈرون ٹیکنالوجی، سائبر اورنیٹ ورکنگ ڈومین میں تعاون پر بھی تبادلہ خیال کیا گیا۔
بحرینی کمانڈر نے پاک فضائیہ کے سائبر کمانڈ کا بھی دورہ کیا، بحرینی کمانڈر کو پاک فضائیہ کے آپریشنل صلاحیتوں کے بارے میں بریفنگ دی گئی بحرینی کمانڈرنےپاک فضائیہ کےاہلکاروں کی پیشہ ورانہ مہارتوں کو خوب سراہا۔
