بھارت کی ریاست پنجاب میں سڑک کنارے قائم ہوٹل (ڈھابے) پر جھگڑے کے دوران ہجوم نے فوج کے میجر اور اس کے ماتحت 16 جوانوں کی پٹائی کردی۔
لداخ اسکاؤٹس کا میجر سچن سنگھ کُنٹل اپنے جوانوں کے ساتھ لیہول میں سنو میراتھن جیت کر واپس آرہا تھا تب انہوں نے منالی روپڑ روڈ پر واقع ڈھابے پر کھانا کھایا۔ یہ ڈھابا ضلع روپڑ کے شہر بھرت گڑھ کے نزدیک واقع ہے۔
کھانے کے بعد جب میجر اور اُس کے جوانوں نے کھانے کا بل یو پی آئی (آن لائن سسٹم) کے ذریعے ادا کرنا چاہتا تو ڈھابے کے مالک نے نقد ادائیگی پر زور دیا۔ اس پر توتو میں میں ہوئی اور بات بڑھی تو کم و بیش 35 افراد نے فوجیوں پر حملہ کردیا۔
لاٹھیوں اور لوہے کی سلاخوں سے لیس لوگوں کے حملے میں میجر سچن سنگھ کُنٹل کے ہاتھ اور سر پر زخم آئے اور وہ بے ہوش ہوگیا۔
پولیس نے ڈھابے کے مالک اور مینیجر سمیت 4 افراد کو گرفتار کرلیا۔ دیگر حملہ آوروں کی تلاش جاری ہے۔c
