لاہور کی انسداد دہشت گردی عدالت لاہور نے جناح ہاؤس حملہ کیس کے مقدمےمیں سابق چیئرمین پی ٹی آئی عمران خان کی بہنوں علیمہ خان اورعظمی خان سمیت 34 ملزمان کی عبوری ضمانتوں میں 20 اپریل تک توسیع کردی۔
انسداد دہشت گری کی خصوصی عدالت میں 9 مئی کو جناح ہاؤس میں حملے کے مقدمے میں سابق وزیراعظم کی بہنوں عظمی خان اورعلیمہ خان کی عبوری ضمانتوں پرسماعت ہوئی۔
عمران خان کی بہنیں عبوری ضمانت کی معیاد ختم ہونے پر عدالت میں پیش ہوئیں۔
عدالت نے علیمہ خان اور عظمی خان سمیت 34 ملزمان کی عبوری ضمانتوں میں 20 اپریل تک توسیع کا حکم دے دیا۔
یاد رہے کہ ملزمان کے خلاف تھانہ سرور روڈ میں مقدمہ درج ہے۔
