پشاور ہائیکورٹ نے خیبرپختونخوا کے لئے نامزد وزیراعلی علی امین گنڈاپور کی ممکنہ گرفتاری کے خلاف درخواست پر تحریری حکم نامہ جاری کردیا۔
تحریری حکم نامے میں کہا گیا کہ درخواست گزار وکیل نے بتایا کہ پنجاب ایلیٹ فورس درخواست گزار علی امین گنڈاپور کو گرفتاری کرنے کے لئے ان کا پیچھا کررہی ہے اور درخواست گزار صوبے میں سب سے زیادہ ووٹ لینے والی پارٹی کی جانب سے وزیراعلی کے لئے نامزد ہے۔
عدالت نے حکم دیا کہ درج مقدمات میں آئندہ سماعت تک درخواست گزار کو گرفتار نہ کیا جائے۔ پنجاب پولیس کس قانون کے تحت خیبرپختونخوا کے لوگوں کو اس صوبے کے حدود میں گرفتار کررہی ہے۔
تحریری حکم نامے میں مزید کہا گیا کہ آئی جی خیبرپختونخوا اس حوالے سے اپنا جواب جمع کریں۔ تمام فریقین کو 19 مارچ کے لئے ابتدائی نوٹس جاری کیا جاتا ہے۔
