لاہور: ایچ بی ایل پاکستان سپر لیگ 9 کے آٹھویں میچ میں کوئٹہ گلیڈی ایٹرز کے خلاف اسلام آباد یونائیٹڈ کی بیٹنگ جاری ہے اور انہوں نے 10 اوررز میں 4 وکٹوں کے نقصان پر 83 رنز بنا لیے ہیں۔
قذافی اسٹیڈیم میں جاری ایونٹ کے آٹھویں میچ میں کوئٹہ گلیڈی ایٹرز نے ٹاس جیت کر اسلام آباد یونائیٹڈ کو پہلے بیٹنگ کی دعوت دی۔
اسلام آباد یونائیٹڈ کی جانب سے ایلکس ہیلز 21، کولن منرو 20، کپتان شاداب خان 2 جبکہ اعظم خان 1 رن بنا کر آؤٹ ہوئے۔
آغا سلمان 31 جبکہ جورڈن کاکس 3 رنز بنا کر کریز پر موجود ہیں۔
کوئٹہ گلیڈی ایٹرز کی جانب سے عقیل حسین نے 2 جبکہ ابرار احمد اور محمد حسنین نے 1، 1 وکٹ حاصل کی۔
کوئٹہ گلیڈی ایٹرز کی جانب سے ٹیم کمبینیشن کو برقرار رکھا گیا ہے جبکہ اسلام آباد یونائیٹڈ نے ٹیم دو تبدیلیاں کی ہیں۔
عبید شاہ کی جگہ حنین شاہ اور ٹائمل ملز کی جگہ رومان رئیس ٹیم کا حصہ بن گئے۔
