الیکشن کمیشن نے سیاسی جماعتوں کی درخواست پر کاغذات نامزدگی کیلئے 2 روزکی توسیع کردی ہے۔
عام انتخابات میں حصہ لینے والے امیدواروں کے لئے کاغذات نامزدگی جمع کرانے کی آج آخری تاریخ تھی، تاہم اب الیکشن کمیشن نے اس میں دو روز کی توسیع کردی ہے۔
الیکشن کمیشن کے مطابق کاغذات نامزدگی اب 24 دسمبر تک جمع کرائے جاسکیں گے۔
واضح رہے کہ جمعیت علمائے اسلام، مسلم لیگ ن، ایم کیو ایم پاکستان، جی ڈی اے اور بی اے پی نے کاغذات نامزدگی جمع کرانے کی تاریخ میں توسیع کا مطالبہ کیا تھا۔
