وائس ایڈمرلاویس احمد بلگرامی کو وائس چیف آف دی نیول اسٹاف کے عہدے پر تعینات کردیا گیا ہے۔
پاک بحریہ کی جانب سے جاری کردہ بیان کے مطابق وائس ایڈمرل اویس احمد بلگرامی نے 1989 میں پاک بحریہ کی آپریشنز برانچ میں کمیشن حاصل کیا اور برتانیہ رائل نیول کالج ڈارٹ ماؤتھ برطانیہ سے اعزازی شمشیر حاصل کی۔
وائس ایڈمرل اویس احمد بلگرامی پاکستان نیوی وار کالج لاہور اور نیشنل ڈیفنس یونیورسٹی اسلام آباد کے گریجویٹ ہیں۔
اویس احمد بلگرامی نیول کمانڈ اینڈ جنرل اسٹاف کالج فلپائن اور برطانیہ کے رائل کالج آف ڈیفنس اسٹڈیز سے بھی فارغ التحصیل ہیں۔
وائس ایڈمرل اویس احمد بلگرامی متعدد کمانڈ اینڈ اسٹاف عہدوں پر تعینات رہ چکے ہیں؛ وہ کمانڈر پاکستان فلیٹ، کمانڈر کراچی اور ڈپٹی چیف آف نیول اسٹاف (آپریشنز) کے فرائض سرانجام دے چکے ہیں۔
اویس احمد بلگرامی وزارت دفاع میں بطور ایڈیشنل سیکرٹری بھی تعینات رہ چکے ہیں۔
وہ نیول ہیڈکوارٹرز میں چیف آف اسٹاف کے فرائض سرانجام دے رہے تھے اور ان کی شاندار خدمات کے اعتراف میں انہیں ہلال امتیاز (ملٹری) سے بھی نوازا جا چکا ہے۔
