اسرائیلی حکام امریکا کی جانب سے ان دعووں کی تحقیقات کر رہے ہیں کہ کچھ سرمایہ کاروں کو حماس کے 7 اکتوبر کو اسرائیل پر کیے گئے حملے سے متعلق پہلے سے علم تھا، اور انہوں نے اس معلومات کو اسرائیلی حصص کی مختصر فروخت سے لاکھوں ڈالر کمانے کے لیے استعمال کیا۔
نیو یارک یونیورسٹی سے تعلق رکھنے والے قانون کے پروفیسر رابرٹ جیکسن جونیئر اور کولمبیا یونیورسٹی کے جوشوا مٹس کی تحقیق سے پتہ چلا ہے کہ جنگ شروع کرنے والے حملوں کی وجہ سے حصص کی فروخت میں نمایاں کمی واقع ہوئی۔
شارٹ سیلرز ان حصص پر داؤ لگاتے ہیں جن کی وہ قیمت میں کمی کی توقع کرتے ہیں۔ وہ کسی کمپنی میں حصص ادھار لینے کے لیے فیس ادا کرتے ہیں اور پھر انہیں کم قیمت پر واپس خریدنے اور منافع حاصل کرنے کی امید میں فروخت کرتے ہیں۔
تحقیق میں ایکسچینج ٹریڈڈ فنڈ کی شارٹ سیلنگ کا حوالہ دیتے ہوئے کہا گیا ہے کہ حماس کے حملے سے چند دن پہلے تاجروں کو آنے والے واقعات کا اندازہ تھا۔
اپنی 66 صفحات پر مشتمل رپورٹ میں امریکی محققین نے لکھا کہ حملے سے قبل تل ابیب اسٹاک ایکسچینج (ٹی اے ایس ای) پر اسرائیلی سیکیورٹیز کی شارٹ سیلنگ میں ڈرامائی طور پر اضافہ ہوا۔ محققین میں سے ایک نے ٹیلی گراف اخبار کو بتایا کہاس مختصر فروخت سے ہونے والا منافع ”100 ملین ڈالر سے زیادہ“ تھا۔
یہ تحقیق فنانشل انڈسٹری ریگولیٹری اتھارٹی کے اعداد و شمار پرمبنی تھی۔
اسرائیل سکیورٹیز اتھارٹی (آئی ایس اے) نے کہا ہے کہ وہ اس معاملے سے آگاہ ہیں اور تمام متعلقہ فریق اس کی تحقیقات کر رہے ہیں۔ تاہم آئی ایس اے کے ایک ترجمان نے اس کی تفصیل نہیں بتائی اور نہ ہی اسرائیلی پولیس نے فوری طور پر کوئی تبصرہ کیا۔
تحقیق کے مطابق 7 اکتوبر سے پہلے دیکھی جانے والی شارٹ سیلنگ بحران کے متعدد دیگر ادوار کے دوران ہونے والی شارٹ سیلنگ سے کہیں زیادہ تھی جس میں 2008 میں مالی بحران، 2014 میں اسرائیل-غزہ جنگ اور کووڈ 19 وبائی امراض کے بعد کساد شامل ہے۔
تحقیق میں اس حوالے سے مثال دیتے ہوئے کہا گیا ہے کہ 14 ستمبر اور 5 اکتوبر کے درمیان اسرائیل کے سب سے بڑے بینک لیومی میں 4.43 ملین نئے حصص کم فروخت ہوئے۔ حملے کے فوری بعد 8 اکتوبر کو لیومی کے حصص کی قیمت میں تقریبا 9 فیصد کمی واقع ہوئی۔
مختصر فروخت میں سب سے زیادہ اضافہ اس وقت ہوا جب اسرائیل میں یہودی تعطیلات کی وجہ سے عام طور پر نسبتا کم سرگرمی ہوتی ہے۔
تحقیق میں مزید بتایا گیا کہ ، ’نتائج سے پتہ چلتا ہے کہ آنے والے حملوں کے بارے میں آگاہ تاجروں نے ان المناک واقعات سے فائدہ اٹھایا‘۔
محققین نے اپریل کے اوائل میں بھی شارٹ سیلنگ کے اسی طرح کے نمونوں کا ذکر کیا جب یہ اطلاع ملی کہ حماس ابتدائی طور پر اسرائیل پر حملے کی منصوبہ بندی کر رہی ہے۔
انہوں نے کہا کہ شارٹ سیلنگ 3 اپریل کو 2 اکتوبر کی سطح سے بہت زیادہ تھی اور 3 اپریل سے پہلے کے دیگر دنوں کے مقابلے میں کہیں زیادہ تھی۔
واضح رہے کہ 7 اکتوبر کو حماس کے حملے کے بعد سے اسرائیل غزہ پر بمباری کر رہا ہے جس کے نتیجے میں اب تک خواتین اور بچوں سمیت 15 ہزار 899 سے زائد فلسطینی شہید ہو چکے ہیں۔
