سپریم کورٹ بار ایسوسی ایشن کے سالانہ انتخابات میں لاہور سے عاصمہ جہانگیر گروپ کے شہزاد شوکت صدر سپریم کورٹ بار منتخب ہوگئے جبکہ سیکرٹری کی نشست پر پروفیشنل گروپ نے میدان مار لیا۔
سپریم کورٹ بار ایسوسی ایشن کے سالانہ انتخابات میں لاہور سے صدراتی نشست پر عاصمہ جہانگیر گروپ کے امیدوار شہزاد شوکت 613 ووٹ لے کر پہلے نمبر پر رہے جبکہ ان کے مدمقابل امیدوار میاں عبدالقدوس نے 452 ووٹ حاصل کیے۔
سیکرٹری کی نشست پر پروفیشنل گروپ کے امیدوار سلمان منصور 565 ووٹ لے کر پہلے نمبر پر رہے جبکہ عاصمہ جہانگیر گروپ کے حمایت یافتہ امیدوار علی عمران سید نے 471 ووٹ لیے۔
لاہور سے فاتح قرار پانے والے صدراتی امیدوار شہزاد شوکت نے کہا کہ آئین اور قانون کی حکمرانی کیلئے کام کروں گا، تمام اداروں کو اپنی حد میں رہتے ہوئے کردار ادا کرنا ہو گا۔
نتائج کے اعلان کے بعد فاتح امیدواروں کے حامی وکلاء کی جانب سے مٹھائی تقسیم کی گئی۔
