تازہ تر ین

گوجرانوالہ میں سڑک پر کھڑی خاتون سے اجتماعی زیادتی، چاروں ملزمان گرفتار

گوجرانوالہ میں سڑک پر کھڑی خاتون کو 4 ملزمان نے اجتماعی زیادتی کا نشانہ بناڈالا جب کہ آئی جی پنجاب کے نوٹس پر چاروں ملزمان کو گرفتار کرلیا گیا۔

گوجرانوالہ میں حافظ آباد روڈ کے اسٹاپ پر خاتون کھڑی تھی اس دوران کار میں سوار 4 ملزمان نے خاتون کے آگے گاڑی روکی اور اسے زبردستی کار میں بٹھایا اور نامعلوم مقام پر لے گیا جہاں سفاک ملزمان نے خاتون کو اجتماعی زیادتی کا نشانہ بنایا۔

بعد ازاں چاروں ملزمان خاتون کو بے ہو شی کی حالت میں چھوڑ کر فرار ہوگئے۔

دوسری جانب آئی جی پنجاب راؤ سردار علی خان نے گوجرانوالہ میں خاتون کے ساتھ مبینہ اجتماعی زیادتی کے واقعہ کا نوٹس لے کر آر پی او گوجرانوالہ سے رپورٹ طلب کر لی۔

آئی جی پنجاب کے نوٹس پر پولیس ٹیم نے فوری کارروائی کرتے ہوئے واقعہ میں ملوث چاروں ملزمان گرفتار کرلئے۔

آئی جی پنجاب نے تفتیش کو جلد مکمل کرتے ہوئے ملزمان کے خلاف سخت قانونی کارروائی کا حکم دیا۔

آئی جی پنجاب نے کہا کہ متاثرہ خاتون کو انصاف کی فراہمی ترجیحی بنیادوں پر یقینی بنائی جائے۔

راؤ سردار علی خان نے کہا کہ خواتین اور بچوں پر تشدد، ہراساں اور زیادتی کے واقعات پر پنجاب پولیس زیرو ٹالرینس کی پالیسی پر عمل پیرا ہے۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv