گیس کی قلت، بلاول کی اپیل پر کل ملک بھر میں احتجاجی مظاہرے ہوں گے

پاکستان پیپلزپارٹی کے تحت ملک بھر کے اضلاع میں کل نمازِ جمعہ کے بعد گیس کی قلت کے خلاف احتجاجی مظاہرے ہوں گے۔

چیئرمین پیپلز پارٹی بلاول بھٹو زرداری نے 30 نومبر کو پشاور میں جلسے کے دوران ملک گیر احتجاج کی کال دی تھی۔

بلاول بھٹو زرداری کی اپیل پر پیٹرول کی قیمتوں میں اضافے کے خلاف احتجاجی مظاہروں کا پہلا سلسلہ 10 دسمبر کو شروع ہوا تھا۔

چیئرمین پیپلز پارٹی 27 دسمبر کو گڑھی خدا بخش میں اپنے احتجاجی پروگرام کے اگلے لائحہ عمل کا اعلان کریں گے۔