وزیر اعظم عمران خان نے قومی کرکٹ ٹیم کے ہیڈ کوچ وسینئر کھلاڑیوں کی ڈیپارٹمنٹل کرکٹ کی بحالی کی تجویز مسترد کردی۔
تفصیلات کے مطابق وزیراعظم عمران خان سے قومی کرکٹ ٹیم کے سابق و موجودہ کپتانوں نے ملاقات کی۔
ملاقات میں ڈومیسٹک کرکٹ کے نئے ڈھانچے سے متعلق گفتگو کی گئی۔
ذرائع کا کہنا ہے کہ قومی کرکٹرز نے ڈومیسٹک کرکٹ میں ڈپارٹمنٹس کی بحالی کا مطالبہ کرتے ہوئے کہا کہ ڈیپارٹمنٹل کرکٹ کے خاتمے سے کئی مقامی کھلاڑی بے روزگار ہوئے ہیں۔
ذرائع کا کہنا ہے کہ وزیراعظم نے ڈیپارٹمنٹل کرکٹ کی بحالی کی تجویز مسترد کرتے ہوئے کہا کہ ریجنل کرکٹ سب سے بہترین ڈومیسٹک اسٹرکچر ہے۔
عمران خان نے کہا کہ پرانا ڈومیسٹک اسٹرکچر ختم ہونے سے پیدا ہونے والی مشکلات کا اندازہ ہے لیکن اگر کرکٹ ٹھیک کرنی ہے تو ڈومیسٹک ریجن کرکٹ کی واحد حل ہے۔
انہوں نے مزید کہا کہ جب نظام بدلتا ہے تو یکدم نتائج نہیں آتے،نئے ڈومیسٹک ڈھانچے سے حقیقی ٹیلنٹ اوپر آئے گا۔
