لاہور(خصوصی رپورٹر) :کسان کا بیٹا ہوں کسان کو خوشحال دیکھ کر ضمیر مطمین ہوتا ہے۔ وزیراعظم عمران خان ہی ملک کے لئے آخری امید، وعدے پورے کریں گے ۔صوبائی وزیر زراعت نعمان لنگڑیال کہتے ہیں زرعی شعبے کیلئے دن رات کام کروںگا اور جب تک زرعی شعبہ ترقی نہیں کرتا اور کسان خو شحال نہیں ہوتا چین سے نہیں بیٹھوں گا۔ ایڈیڑ خبریں گروپ ، سی ای او چینل ۵ امتنان شاہد سے ان کے دفتر میں ملاقات کے موقع پر وزیر زراعت کا کہنا تھا کہ زراعت کی ترقی وزیراعظم عمران خان کا ویژن ہے اور مجھے آزادانہ کام کرنے کیلئے وزیر اعظم اور وزیر اعلی پنجاب کا مکمل تعاون حاصل ہے ان کا کہنا تھا کہ عمران خان مقبول ترین لیڈر ہیں انہیں جھوٹ اور کرپشن سے نفرت ہے۔انہوں نے عہد کیا تھا کہ پاکستان سے کرپشن کا خاتمہ کرینگے، زراعت اور انڈسٹری کو ترقی دینگے، مزدور اور کسان کو عز ت ملے گے اور وہ وعدے پورے کرنے کیلئے دن رات کام کر رہے ہیں۔
