شوکت خانم نے خواتین بریسٹ کینسر” پولو ان پنک“سالانہ میلہ سجا لیا

لاہور(ویب ڈیسک)شوکت خانم میموریل کینسر ہسپتال کے زیر اہتمام سالانہ "پولو ان پنک ” میلے کا انعقاد کیا گیا۔ یہ میلہ ہر سال خواتین میں بریسٹ کینسر کے بارے میں آگاہی پھیلانے کے لیے منعقد کیا جاتا ہے۔ لاہور پولو کلب اور شوکت خانم ہسپتال کے اشتراک سے ہونے والے اس ایونٹ میں فیملیز کی ایک بڑی تعداد نے شرکت کی۔ ایونٹ میں پوری فیملی کی دلچسپی کے لیے مختلف پروگرامز کیے گئے جن میں ایئر شو، فیس پینٹنگ ، نیزہ بازی کا مقابلہ ،پولو کا نمائشی میچ شامل ہیں۔اس کے علاﺅہ کواڈرم بینڈ کی میوزیکل پرفارمینس نے بھی سماں باندھ دیا۔ہسپتال کے ذرائع کا کہناہے کہ پاکستان میں بریسٹ کینسر کی شرح پورے ایشیا میں سب سے زیادہ ہے. لیکن یہ واحد ایسا کینسر ہے جس کی بروقت تشخیص آسان ہے اور اگر اسے بروقت تشخیص کرلیا جائے تو جان بچنے کے امکانات 90 فیصد سے بڑھ جاتے ہیں۔