بھارت میں محکمہ جنگلات کے افسر کو اژدھے کے ساتھ سیلفی گلے پڑ گئی

ممبئی (ویب ڈیسک) کبھی کبھی سیلفی لینا کچھ مہنگا پڑتا ہے اور ایسا ہی ہوا بھارتی افسر کے ساتھ جس کا اڑدھے کےساتھ سیلفی لینا اس کے گلے آگیا۔بھارتی محکمہ تحفظ جنگلات اور حیاتیات کی ٹیم نے 30 کلو وزنی اور 18 فٹ لمبا اڑدھا پکڑا جس میں سے ایک افسر سنجے دتا نے اس وزنی اڑدھے کے ساتھ سیلفی لینےکی ٹھانی جس سے اس کے چودہ طبق روشن ہوگئے۔محکمہ جنگلات کے افسر نے اڑدھے کو قابو کرنے کے بجائے گلے میں ڈالا اور سیلفی لینے کی حتی الامکان کوشش کی جس سے اڑدھا پریشان ہو کر تلملانے لگا اور اس کی گردن کے گرد گھیرا تنگ کرنا شروع کر دیا۔اڑدھا بے قابو ہو کر اس کے گلے کو دبانے بھی لگا، اس سے پہلے کے یہ گھیرا مزید تنگ ہوتا اس کے ساتھیوں نے اپنے افسر کی مدد کی اور اڑدھے کے چنگل سے جان چھڑائی، سنجے دتا انتہائی خوفزدہ ہوگیا لیکن خوش قسمتی سے جان بچ گئی۔ اس انوکھی سیلفی کی ویڈیو سوشل میڈیا پر بھی وائرل ہوچکی ہے۔