لیگی کونسلر کی حجام کی بیوی سے زیادتی، ملزم گرفتار

خانیوال (ویب ڈیسک) تھانہ صدر پولیس نے ن لیگی کونسلر کے خلاف زیادتی کا مقدمہ درج کرکے ملزم کو گرفتار کرلیا ہے۔ تفصیل کے مطابق میاں چنوں کے نواحی گاﺅں 134-16 ایل کے رہائشی محمد شہباز حجام نے تھانہ صدر کو درخواست دی کہ ملزم محمد امجد جو کہ ن لیگی کونسلر ہے، نے دو نامعلوم افراد کے ہمراہ اس کی غیر موجودگی میں اس کے گھر میں داخل ہوکر اس کی بیوی ثوبیہ رفیق کو زبردستی زیادتی کا نشانہ بنا ڈالا، اس دوران ملزم کے دونوں نامعلوم ساتھی صحن میں پہرہ دیتے رہے۔خاتون نے شور مچایا تو اہل محلہ آن پہنچے جس پر ملزمان اسلحہ لہراتے ہوئے موقع سے فرار ہوگئے تاہم بعد ازاں تھانہ صدر پولیس نے متاثرہ خاتون کے میڈیکل کے بعد مقدمہ درج کرکے ملزم امجد کو گرفتار کرکے نامعلوم مقام پر منتقل کردیا ہے۔ میڈیکل رپورٹ میں خاتون سے زیادتی ثابت ہوگئی ہے۔