انقرہ (نیٹ نیوز) ترک صدر رجب طیب اردوان نے ملک میں قبل از وقت عام انتخابات کروانے کا اعلان کردیا۔تفصیلات کے مطابق ترک صدر نے ملک میں قبل ازوقت عام انتخابات کا اعلان کردیا۔ترک صدر کا کہنا تھا کہ ملک میں پارلیمانی اورصدارتی انتخابات24 جون کو ہونگے۔ان کا کہنا تھا کہ ملک میں قبل از وقت انتخابات وقت کی ضرورت ہے۔الیکشن میں جوبھی جیتے گا وہ پارلیمانی نظام کی بجائے صدارتی نظام کو مستحکم کرے گا۔ترک صدر کا مزید کہنا تھا کہ انہوں نے یہ فیصلہ ایم ایچ پی پارٹی کے سربراہ ڈیولٹ بچیلی سے ہونے والی ملاقات کے بعد کیا جس میں انہوں نے قبل از وقت انتخابات کی ضرورت پر زور دیا تھا۔طیب اردوان نے اس پارٹی کے ساتھ رسمی اتحاد بھی قائم کرلیا ہے جس کے بعد ان کی پارٹی جسٹس اینڈ ڈویلپمنٹ پارٹی کے لئے اس فیصلے کو روکنا بھی مشکل ہوجائے گا۔
