غلاف کعبہ کے متعلق چونکا دینے والے انکشافات

مکہ مکرمہ (خصوصی رپورٹ)کسوہ (غلاف کعبہ) فیکٹری نے نبی کریم صلی اللہ علیہ وسلم کے روضہ مبارک کی چادر اور کسوہ (غلاف کعبہ) کے نمونوں سے متعلق برطانوی دعووں کی تردید کر دی۔ عرب ٹی وی کے مطابق فیکٹری کے ڈائریکٹر ڈاکٹر محمد باجودہ نے گفتگو کرتے ہوئے واضح کیا کہ برطانوی ویب سائٹ پر جو دعویٰ کیا جا رہا ہے کہ ان کے پاس اصلی کسوہ (غلاف کعبہ) کے نمونے ہیں اور غلاف کعبہ فیکٹری ان کی توثیق کئے ہوئے ہے۔ اسی طرح ان کا یہ دعویٰ کہ ان کے پاس نبی کریم کے روضہ مبارک کی اصلی چادر بھی موجود ہے‘ سراسر غلط ہے۔ حقیقت سے اس دعوے کا کوئی تعلق نہیں۔ مذکورہ غلاف اور چادر دونوں نقلی ہیں۔ فیکٹری نے نہ غلاف کعبہ کی تصدیق کی ہے اور نہ ہی روضہ مبارک کی چادر سے متعلق کوئی بات کہی۔ فیکٹری کی ذمہ داری غلاف کعبہ تیار کرنے اور اسے خانہ کعبہ پر چڑھانے کے بعد ختم ہو جاتی ہے۔
کسوہ تردید