بچوں سے زیادتی ، گرفتار انجینئر سے کیا کچھ برآمد ہوا

لاہور(کورٹ رپورٹر )ایف آئی اے نے بچوں سے جنسی زیادتی اور بچوں کی فحش ویڈیوز کی تحقیقات کا دائرہ وسیع کردیا،بچوں کی ممنوعہ فلمیں انٹرنیٹ پراپ لوڈ کرنےوالا الیکٹریکل انجینئرتیمور 4روزہ جسمانی ریمانڈ پرایف آئی اے کے حوالے کردیا گیا۔میڈیا رپورٹ کے مطابق ایف آئی اے نے بچوں کی فحش فلموں کے گھناونے دھندے کیخلاف کارروائی شروع کردی،عمران حیدر اور سلمان خان پر مشتمل تفتیشی ٹیم بناکر ملک بھر کے ایف آئی اے دفاتر کو خط لکھ دیا ۔بچوں کی ممنوعہ فلمیں انٹرنیٹ پراپ لوڈ کرنےوالا الیکٹریکل انجینئرتیمور 4روزہ جسمانی ریمانڈ پرایف آئی اے کے حوالے کردیا گیا۔ڈپٹی ڈائریکٹر ایف آئی اے سائبر کرائمز خالد انیس کا کہنا تھا کہ گرفتار ملزم کے قبضے چائلڈ پورنو گرافی کا 60 جی بی ڈیٹا برآمد ہوا ہے ،جسے اسکین کرلیا گیا ہے ، ممنوعہ فلمیں پاکستانی بچوں کی نہیں، دوسرے ملکوں کے بچوں کی ہیں۔انٹرپول کی نشاندہی پر جھنگ سے گرفتار ہونے تیمور کے حوالے سے خالد انیس نے مزید بتایاکہ ملزم یونیورسٹی آف انجینئرنگ اینڈ ٹیکنالوجی لاہور کا تعلیم یافتہ ہے ،جس گینگ سے وابستہ ہے وہ پاکستان، کینیڈا ، نیوزی لینڈ اور سوئیڈن میں پھیلا ہوا ہے ۔بچوں کی فحش فلمیں بنانے والا ایک ملزم پہلے ہی ایف آئی اے کی حراست میں ہے ،اٹک سے گرفتار ہونے والے ملزم نبیل کیخلاف تفتیش آخری مرحلے میں ہے ۔ذرائع کے مطابق ملزم نبیل گجرات کے لڑکے کو بلیک میل کرکے فحش فلمیں بنارہا تھا اور انہیں انٹر نیٹ پر اپ لوڈ بھی کیا جارہا تھا۔