ملتان‘ اسلام آباد (ویب ڈیسک ) ادارہ شماریات پاکستان نے مہنگائی کی ہفتہ وار رپورٹ جاری کر دی ہے جس کے مطابق 25جنوری 2018ءکو اختتام پذیر ہونے والے ہفتہ کے دوران مہنگائی کی شرح میں 1.81فیصد اضافہ ہو گیا۔ ملک کے 17بڑے شہروں سے 53اشیاءکی قیمتوں کا تقابلی جائزہ لیا گیا جس میں سے 8اشیاءکی قیمتوں میں اضافہ‘ 16اشیاءکی قیمتوں میں کمی جبکہ 29اشیاءکی قیمتوں میں استحکام رہا۔ ہفتہ کے دوران ملک میں بیف پلیٹ‘ خشک دودھ‘ چاول باسمتی (ٹوٹا) مٹن‘ دال ماش‘ بیف‘ گھی (کھلا) اور کوکنگ آئل کی قیمتوں میں اضافہ ہوا۔
