لندن (نیا اخبار رپورٹ) لندن میں انسانی حقوق کی مختلف تنظیموں کے کارکنوں نے مقبوضہ کشمیر اور دیگر بھارتی ریاستوں میں فوجی جارحیت کے خلاف اور علیحدگی سند تحریکوں کے حق میں احتجاجی مظاہرہ کیا، مظاہرین نے مطالبہ کیا کہ عالمی برادری بھارتی بربریت اور ظلم و ستم کا نوٹس لے لیا۔ مظاہرین نے بھارت مخالف اور پاکستان کے حق میں نعرے بھی لگائے۔ اس موقع پر شرکاءنے کہا کہ جمہوریت کا دعوے دار بھارت انسانی حقوق کی پامالی کا مرتکب ہو رہا ہے۔ بھارت فوری طور پر پاکستان میں دہشتگردی کی کارروائیاں بند کرے اور علیحدگی پسند تحریکوں کو تسلیم کرتے ہوئے اقلیتوں کو ان کے حقوق دے۔ مظاہرین نے خالصتان، ناگا لینڈ، آسام کی آزادی کا مطالبہ کرتے ہوئے بھارت میں موجود اقلیتون پر ہونے والے مظالم کی شدید الفاظ میں مذمت کی۔ مظاہرے میں شامل گاڑیوں پر چسپاں کتبوں پر فری خالصتان، فری ناگالینڈ ، فری آسام کے نعرے بھی درج تھے۔
