نئی دہلی (خصوصی رپورٹ) بھارت میں دارالحکومت نئی دہلی کی پولیس نے 2008 میں بم دھماکوں میں ملوث ایک مشتبہ شخص عبدالسبحان قریشی عرف اسامہ بن لادن کو گرفتار کرلیا ۔بھارتی میڈیا کی رپورٹ کے مطابق عبدالسبحان قریشی کو بھارت میں اسامہ بن لادن بھی کہا جاتا رہا ہے جو بھارتی مجاہدین نامی تنظیم کو مرکزی بم ساز بھی رہ چکا ہے جبکہ رپورٹ کے مطابق قریشی سکول کے زمانہ میں ایک خاموش طبیعت اور ذہین طالب علم تھا جس کے انتہاپسند بننے کا سفر2001 میں شروع ہوا تھا۔دہلی پولیس کے افسر کے نے بتایا کہ مجاہدین گروپ نے 2007اور 2008میں جے پور ، احمد آباد ، دہلی اور شمالی ریاست اتر پردیش میں برقی میلوں کے ذریعے بم دھماکوں کی ذمے داری قبول کی تھی اور بھارتی حکومت نے قریشی کا نام مطلوب دہشت گردوں کی فہرست میں شامل کر لیا تھا۔
