شاہی خاندان کا رکن گرفتار

غیر ملکی میڈیا کے مطابق قطر کے شاہی خاندان کے اعلیٰ رکن شیخ عبداللہ بن علی الثا نے ویڈیو پیغام جاری کیا ہے جس میں انہوں نے کہا کہ انہیں متحدہ عرب امارات کے دارالحکومت ابو ظہبی میں گرفتار کرلیا گیا ہے۔ شیخ عبداللہ بن علی الثانی نے بتایا کہ انہیں کچھ بھی ہوسکتا ہے جس کا الزام قطر پر لگادیا جائے گا لیکن میں پہلے سے بتا رہا ہوں کہ قطری حکومت کا اس میں کوئی ہاتھ نہیں ہو گا۔‘شیخ عبداللہ بن علی الثانی نے کہا کہ پہلے تو میں ابو ظہبی کے ولی عہد محمد بن زیاد النہیان کا شاہی مہمان تھا لیکن اب مجھے حراست میں لے لیا گیا ہے، میں واضح کر رہا ہوں کہ مجھے کچھ ہوا تو قطر نہیں بلکہ شیخ محمد بن زیاد النہیان اس کے ذمہ دار ہوں گے۔ دوسری جانب متحدہ عرب امارات کے حکام نے ان کی گرفتاری کی تردید کی ہے۔ حکام نے کہا کہ شیخ عبداللہ کو نقل و حرکت کی پوری آزادی ہے۔واضح رہے کہ گزشتہ سال سے قطر کے سعودی عرب سمیت متعدد عرب ریاستوں سے سفارتی تعلقات منقطع ہیں۔