لاہور(ویب ڈیسک) پیر آف گولڑہ شریف نظام الدین جامی نے پاکستان عوامی تحریک کے سربراہ ڈاکٹر طاہر القادری کی مکمل حمایت کا اعلان کر دیا ہے۔ تفصیلات کے مطابق نظام الدین جامی نے پریس کانفرنس سے خطاب کرتے ہوئے اپیل کی کہ کوئی بھی مسلم لیگ ن کو ووٹ نہ دے ۔ انہوں نے کہا کہ ووٹ کس کو دینا ہےاس کا بھی جلد اعلان کیا جائے گا۔ان کا کہنا تھا کہ 16جنوری کو ختم نبوت کانفرنس میں آئندہ لائحہ عمل کا اعلان کریں گے۔ پیر حمید الدین نے جو 31دسمبر کی ڈیڈ لائن دی ہے ان کے ساتھ ہیں ۔ ہم بھی صوبائی وزیر رانا ثنا اللہ کی برطرفی کا مطالبہ کرتے ہیں۔ انہوں نے کہا کہ نواز شریف ذاتی مفادات کے لیے مہم چلا سکتے ہیں تو ختم نبوت کے معاملے پر کیوں نہیں چلا سکتے؟ ہم مذہبی معاملات پر اکٹھے ہوئے ہیں ، ہمارا سیاست میں آنے کا کوئی ارادہ نہیں ہے۔
