نئی دہلی (ویب ڈیسک) افغان خواتین فوجیوں پر مشتمل ایک دستہ ٹریننگ کیلئے پہلی دفعہ بھارت پہنچ گیا ، جہاں بھارتی فوج چنئی کی ایک فوجی اکیڈمی میں انہیں تربیت دیگی۔ اس سے پہلے ہزاروں کی تعداد میں افغان مرد فوجی بھارت میں تربیت حاصل کر چکے ہیں۔ دستے میں 18 بری، تین فضائی فوجی خواتین کے علاوہ وہ خواتین بھی شامل ہیں جو افغانستان کی اسپیشل فورسز، وزارت دفاع کے اداروں، تعلقات عامہ، مالی اور قانونی امور سے منسلک ہیں۔نے امریکی نشریاتی ادارے ”وائس آف امریکا“ کو بتایا کہ کل 35 افغان فوجی خواتین تین ہفتوں پر محیط اس تربیتی کورس میں حصہ لیں گی۔ انہوں نے کہا یہ خواتین انگریزی زبان سیکھنے اور کمپیوٹر کورسز میں بھی حصہ لیں گی۔ افغانستان اور بھارت کے مابین بڑھتے ہوئے تعاون پر پاکستان کئی بار تحفظات کا اظہار کر چکا ہے۔ پاکستان کا کہنا ہے بھارت افغانستان کی سرزمین پاکستان کے خلاف استعمال کر رہا ہے، تاہم پاکستان کے ان تحفظات کے بارے میں جب افغانستان کے وزیر دفاع کے ترجمان سے پوچھا گیا تو ا±ن کا کہنا تھا افغانستان پاکستان کی نو آبادی نہیں اور افغانستان وہ سب کریگا جو اس کے مفاد میں ہو گا۔
