دہشتگردی کا خطرہ : صوبائی دارلحکومت کی سیکیورٹی ہائی الرٹ

لاہور (نیااخبار رپورٹ ) کیپٹل سٹی پولیس آفیسر لاہور کیپٹن (ر) محمد امین وینس نے شہر میں سکیورٹی ہائی الرٹ کرنے کا حکم دے دیا۔ انہوں نے اس موقع پر کہا کہ دہشت گردی کے خلاف جنگ قومی فریضہ ہے اور ےہ جنگ عوام کی مدد کے بغیر نہیں جیتی جا سکتی۔ اللہ پاک نے ہمیں عوام ی جان و مال و عزت کے تحفظ کے لئے مامور کیا ہے۔ لاہور پولیس شہر کا امن و امان برقرار رکھنے کے لئے تمام تر وسائل بروئے کار لا رہی ہے۔ گزشتہ روز سی سی پی او لاہور نے سارے شہر میں سکیورٹی ہائی الرٹ کرنے کا حکم دیا تھا جس پر تمام ایس پی حضرات نے شہر کے مختلف پارکوں، گرجا گھروں اور اہم تنصیبات کا دورہ کر کے حفاظتی انتظامات کا جائزہ لیا اور فول پروف حفاظتی انتظامات کئے گئے۔ سی سی پی او لاہور نے اس موقع پر مزید کہا کہ حساس مقامات پر سنائپرز کو تعینات کیا جائے۔ شہر کے داخلی و خارجی راستوں پر اہلکاروں کو تھریٹ اور ڈیوٹی بارے مکمل بریف کیا جائے۔ پولیس اہلکار ٹرن آﺅٹ کے حوالہ سے ایس او پی پر عمل درآمد کریں۔ پولیس اور عوام کے ایک پیج پر ہونے سے کوئی دشمن ہماری فصل اور نسل پر حملہ آور نہیں ہو سکتا ۔شہریوں سے اپیل ہے کہ وہ اپنے ارد گرد کے ماحول سے باخبر رہیں اور مشکوک چیز یا شخص بار ے 15ےا 8330پر اطلاع دیں۔شہر ی اپنے گلی محلوں میں کسی بھی اجنبی شخص پر کڑی نظر رکھیں۔