سعدرفیق‘ پرویز رشید کے ناراض لیگی ارکان سے رابطے ناکام

اسلام آباد (نیااخبار رپورٹ) مسلم لیگ ن کے صدر سابق وزیراعظم نواز شریف کی طرف سے ن لیگ کے باغث ارکان سے رابطوں کیلئے بنائی گئی سعد رفیق اور پرویز رشید پر مشتمل دو رکنی کمیٹی کے جنوبی پنجاب سے تعلق رکھنے والے ناراض ارکان سے رابطوں کی تصدیق نہ ہوسکی، جس کی وجہ سے تاحال کوئی برا بریک تھرو نہیں ہوسکا، دونوں رہنماﺅں نے ناراض رہنماﺅں سے رابطوں کی بعض کوششیں کیں جو کامیاب نہ ہوسکی، ذرائع کے مطابق دونوں رہنما اور دیگر وفاقی وزراءآج سے شروع ہونے والے قومی اسمبلی اور سینٹ کے اجلاسوں کے دوران ناراض ارکان سے رابطوں اور ملاقوتں کے لیے نئے سرے سے کوششیں کریں گے۔ دوسری جانب دلچسپ امر یہ ہے کہ جنوبی پنجاب سے تعلق رکھنے والے اکثر ارکان قومی اسمبلی حکومتی رابطوں اور دباﺅ سے بچنے کیلئے اسمبلی کے اجلاسوں میں آتے ہی نہیں جس کی وجہ سے قومی اسمبلی اور سینٹ میں آئے روز کورم ٹوٹنا بھی معمول بن چکا ہے۔