راولپنڈی (مانیٹرنگ ڈیسک) آرمی چیف جنرل قمر جاوید باجوہ کا کہنا ہے کہ مذہبی، صوبائی، قبائلی ، لسانی اور مسلکی تفریق کےبغیر پاکستان سب پاکستانیوں کا ہے۔ پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے باجوڑ میں پاک افغان بارڈر کا دورہ کیا جس میں ان کو دہشتگردوں کا پاکستانی علاقے میں داخلہ روکنے کے اقدامات، پاک افغان سرحد پر باڑ، خار دار تار لگائے، پاک افغان سرحد پرنئے قلعوں اور چیک پوسٹوں پر بھی تفصیلی بریفنگ دی گئی۔ آرمی چیف سے پشاور میں فاٹا اور خیبر پختونخوا کے علما کی نے بھی ملاقات کی اس ملاقات میں علمانے دہشت گردی کی متفقہ طور پر مذمت کی، علمانے علاقے میں امن واستحکام کیلئے فوج کی کوششوں کو سراہا۔ آرمی چیف نے دہشگردی کے خاتمے اور قیام امن کیلئے علما کی حمایت کو سراہا۔ آئی ایس پی آر کے مطابق اس ملاقات میں کور کمانڈر پشاور بھی موجود تھے
