سعودی شہزادوں سے اندر کی بات اگلوانے کے لئے امریکا کے پروفیشنل کنٹریکٹر بلا لیے

ریاض: (ویب ڈیسک) سعودی عرب میں بدعنوانی کے الزام میں گرفتار شہزادوں پر دوران تفتیش تشدد کیا گیا، شہزادہ الولید بن طلال کو الٹا لٹکا کر تشدد کا نشانہ بنایا گیا۔ اطلاعات کے مطابق اب تک 17 شہزادوں کو ہسپتال منتقل کیا جا چکا ہے۔برطانوی اخبار نے خصوصی رپورٹ جاری کی ہے جس کے مطابق سعودی عرب میں بدعنوانی کے الزام میں گرفتار شہزادوں پر دوران تفتیش تشدد کیا جا رہا ہے، کھرب پتی شہزادہ الولیدبن طلال کو الٹا لٹکا کر تشدد کا نشانہ بنایا گیا۔ رپورٹ کے مطابق گرفتار افراد کے بینک اکاو¿نٹس سے 194 ارب ڈالر ضبط کیے جا چکے ہیں، شہزادوں سے تفتیش امریکی کنٹریکٹرز کر رہے ہیں جو ان پر تشدد کر کے پوچھ گچھ کر رہے ہیں۔دوسری جانب ایک عرب ویب سائٹ کا کہنا ہے تشدد کے دوران زخمی شہزادوں میں سے اب تک 17 کو ہسپتال منتقل کیا جا چکا ہے جبکہ تشدد کا شکار شہزادوں کی تعداد اس سے کہیں زیادہ ہے، سعودی عرب کے ولی عہد شہزادہ محمد بن سلمان کے حکم پر تین ہفتے پہلے 11 شہزادوں اور سینکڑوں امرا کو گرفتار کیا گیا تھا۔