پوپ فرانسس نے ویٹی کن میں سگریٹ نوشی پر پابندی کا حکم دیدیا

ویٹی کن (صباح نیوز) پوپ فرانسس نے سگریٹ کی فروخت کو غیر قانونی قرار دیتے ہوئے اس پر پابندی کا حکم دیا ہے، غیر ملکی میڈیا کے مطابق پوپ فرانسس کی جانب سے یہ فیصلہ صحت خرابی کے پہلو کو مد نظر رکھتے ہوئے کیا گیا ہے۔ ویٹی کن میں سگریٹ سے سالانہ 10 لاکھ یورو منافع حاصل ہوتا تھا جس کی پروا نہ کی گئی اور ویٹی کن ملازمین کیلئے سگریٹ پر پابندی کا حکم دیدیا گیا۔ ویٹی کن سے جاری بیان میں کہا گیا ہے کہ کسی ایسی سرگرمی کا حصہ نہیں بنیں گے جو صحت کی خرابی کا باعث بنے۔ دوسری جانب ویٹی کن ملازمین کو سگریٹ کی فروخت پر پابندی سے سالانہ حاصل ہونے والے 10ملین یورو کے حاصل ہونےوالے منافع سے بھی ہاتھ دھونا پڑیں گے۔ ویٹی کن نے ورلڈ ہیلتھ آرگنائزیشن کا حوالہ بھی بیان میں شامل کیا ہے جس کے مطابق سگریٹ نوشی سالانہ 70لاکھ جانیں نگل جاتی ہے۔