ماسکو(وےب ڈےسک)روس کے ایک نوجوان نے دعویٰ کیا ہے کہ وہ پیدائش سے پہلے مریخ پر رہتا تھا اور زمین پر اس کا دوسرا جنم ہے۔20 سالہ روسی لڑکے بورسکا نے دعویٰ کیا ہے کہ وہ مریخ کا رہائشی ہے جب کہ خلاءکے حوالے سے لڑکے کے پاس بے تحاشا معلومات نے سائنسدانوں کو حیران کردیا ہے، بورسکا کے والدین نے دعویٰ کیا ہے کہ اس نے پیدائش کے چند ہی مہینے بعد بولنا شروع کردیا تھا جب کہ ان کا بیٹا خلائی مخلوق کی تہذیبوں کے بارے میں حیران کن معلومات بھی جانتا تھا جو انہوں نے اس کو کبھی نہیں بتائی جس پر وہ حیران تھے۔بورسکا کے والدین کا کہنا تھا کہ 2 سال کی عمر میں لکھنے، پڑھنے اور تصاویر بناکر ڈاکٹرز کو بھی حیران کردیا تھا جب کہ بورسکا کا کہنا ہے کہ ماضی بعید میں مریخ ایٹمی دھماکے سے تباہ ہوگیا تھا جب کہ مریخ پر رہنے والی خلائی مخلوق تقریباً 7 فٹ لمبی ہیں اور مریخ کی زمین کے نیچے رہتی ہیں، اس کے علاوہ وہاں لوگ کاربن ڈائی اکسائڈ میں سانس لیتے ہیں۔روسی لڑکا نے دعویٰ کیا ہے کہ وہ لوگ لافانی ہیں اور 35 سال کے بعد ان کی عمر بڑھنے کا عمل ختم ہوجاتا ہے، اس کے علاوہ وہ ٹیکنالوجی میں بھی سب سے اگے ہیں اور ستاروں کے درمیان سفر بھی کرتے ہیں اور کئی بار خلائی جہاز میں زمین پر بھی ایا تھا۔ بورسکا نے مزید بتایا کہ اہرام مصر میں زمین کے حوالے سے بہت سے اہم راز دفن ہیں جب کہ انسانی زندگی تبدیل ہوجائے گی اگر ابوالہول کو کھولا جائے، اس کو کھولنے کا طریقہ ابوالہول کے کان کے پیچھے ہے جو مجھے یاد نہیں۔
