لندن/اسلام آباد(اے این این ) مسلم لیگ(ن) کی قیادت نے فیصلہ کیا ہے کہ 2018 کے انتخابات میں اگر جماعت نے کامیابی حاصل کی تو شہباز شریف وزیراعظم بنیں گے۔نجی ٹی وی کے مطابق لندن میں مسلم لیگ(ن) کی قیادت کے مشاورتی اجلاس کی اندرونی کہانی سامنے آ گئی ہے جس کے مطابق مسلم لیگ ن نے اداروں سے ٹکرا و¿کی پالیسی اختیار نہ کرنے کا فیصلہ کیا ہے۔ ذرائع کے مطابق مسلم لیگ نے فیصلہ کیا کہ اگر 2018 کے انتخابات میں مسلم لیگ نے بھرپور کامیابی حاصل کی تو شہباز شریف کو وزیراعظم بنایا جائے گا۔ذرائع کا کہنا ہے کہ پارٹی کے بارے میں پالیسی بیان مریم نواز اور حمزہ شہباز کے بجائے نواز شریف اور شہباز شریف دیں گے۔اجلاس میں فیصلہ کیا گیا کہ مائنس نواز شریف فارمولا کسی صورت بھی قبول نہیں ہوگا اور اس کے لئے بھرپور مزاحمت کی جائے گی۔
