خبر دار ! خوشبو ،پرفیوم خریدنے سے قبل دیکھ لیں کہ اس میں پیشاب کی ملاوٹ تو نہیں

ریاض (ویب ڈیسک) سعودی وزارت تجارت و سرمایہ کاری نے ایک غیر قانونی لیب پر چھاپہ مارکر مشہور عالمی برانڈز کے جعلی پرفیومز کا پتہ لگالیا ہے۔ معلوم ہوا ہے کہ خوشبویات کی تیاری میں انسانی پیشاب بھی استعمال کیا جا رہا تھا۔ وزارت تجارت نے سوشل میڈیا پر گردش کرنیوالی ایک ویڈیو کلپ کے بعد لیب پر چھاپا مارا جس میں پرفیومز کے ڈبوں کے برابر میں پیشاب سے بھری ہوئی چھوٹی بوتل نظر آرہی تھی۔ لیب ریاض کے التعمیر بازار میں واقع ہے۔ ویڈیو کلپ میں نقلی اور ملاوٹی خوشبویات سے بھرے ہوئے کئی کارٹن بھی نظر ارہے تھے۔ ویڈیو کلپ تیار کرنیوالے نے توجہ دلائی تھی کہ مذکورہ لیب میں نہ صرف یہ کہ عالمی مارکوں والی خوشبویات میں ملاوٹ کی جا رہی ہے بلکہ مقامی شہریوں کی زندگی کو خطرات میں ڈالنے والی سرگرمیاں بھی ہو رہی ہیں۔