راجھستان ،پنڈت نے مسلمان گلو کار مارڈالا ،کشیدگی ،200گھروں کی نقل مکانی

راجستھان (خصوصی رپورٹ) بھارت کی ریاست راجستھان میں ایک پنڈت کے ہاتھوں مسلمان لوک گلوکار کے قتل کے بعد کشیدگی پھیل گئی ، دو سو سے زائد مسلمان اپنا گھر بار چھوڑنے پر مجبور ہوگئے۔ بھارتی میڈیا کے مطابق ریاست راجستھان کے گاوں ڈنٹل میں پنڈت رمیش سوتھر نے گلوکار احمد خان کو ستائیس ستمبر کو قتل کر دیا۔ احمد بھجن گا رہا تھا کہ پنڈت نے الزام لگایا کہ وہ غلط گا رہا ہے۔ اس بات پر دونوں میں تلخی ہوئی اور پنڈت رمیش اور اس کے ساتھیوں نے احمد کو مار ڈالا۔ واقعے کے بعد گاوں میں کشیدگی پھیل گئی اور خوفزدہ مسلمان جان بچانے کے لئے گھر بار چھوڑ گئے۔ حالات پر قابو پانے کے لئے حکومت نے پیرا ملٹری فورس کے اہلکار گاوں میں تعینات کر دیئے۔ پولیس کے تفتیشی افسر گوروو یادو کے مطابق پنڈت رمیش کو گرفتار کر لیا گیا ہے جبکہ اس کے ساتھی مفرور ہیں۔