برما میں ملکہ حُسن سے تاج واپس ،وجہ کیا بنی؟؟

ینگون (ویب ڈیسک) برما کی ملکہ حسن نے دعویٰ کیا ہے کہ ریاست رخائن میں جاری تشدد پر ویڈیو پیغام کی وجہ سے انھیں نشانہ بنایا گیا ہے اور ان سے تاج واپس لے لیا گیا ہے۔ شیو این سی نے گذشتہ ہفتے ایک آن لائن ویڈیو پوسٹ کی تھی اور روہنگیا شدت پسندوں پر بدامنی پھیلانے کا الزام عائد کیا تھا۔19 سالہ شیو این سی سے مِس گرینڈ میانمار کا تاج اتوار کو واپس لے لیا گیا۔ منتظمین نے مذکورہ ویڈیو کا ذکر تو نہیں کیا لیکن یہ کہا کہ شیو نے معاہدے کے اصولوں کی خلاف ورزی کی ہے اور ان کا رویہ ایک رول ماڈل جیسا نہیں تھا۔لیکن شیو نے اس کے دو دن کے بعد اعزاز چھینے جانے کی وجہ اپنی ویڈیو کو قرار دیا ہے۔ وہ اس ملک کی شہری کے طور پر اپنا فرض سمجھتی ہیں کہ اپنی شہرت کو اپنی قوم کے لیے سچ بولنے کے لیے استعمال کریں۔