لاہور (مانیٹرنگ ڈیسک) چینل ۵ کے پروگرام ”کالم نگار“ میں گفتگو کرتے ہوئے معروف تجزیہ کار مکرم خان نے کہا ہے کہ پاکستان بلوچستان کے بغیر نامکمل ہے۔ بلوچستان کے حالات کوئی نئے نہیں ہیں بلکہ قیام پاکستان کے وقت سے ہی مسائل شروع ہو گئے تھے پچھلی دہائی میں نواب اکبر بگٹی کے قتل کے بعد معاملات گھمبیر ہوتے چلے گئے۔ اس سے قبل قبائل میں جنگیں تھیں۔ فوج، سویلین اور عوام کی قربانی کی وجہ سے اب حالات اوار معاملات بہتری کی جانب جا رہے ہیں۔ اکبر بگٹی گیس کی رائلٹی لینے میں نمبر ون تھے۔ اکبر بگٹی کو جمالی کی جگہ وزیراعظم بنانے کا فیصلہ کر لیا گیا تھا۔ مشرف نے انہیں اطلاع بھی دے دی تھی۔ لیکن بعد میں اسے روک دیا گیا۔ پرویز مشرف کو کسی نے کہا کہ ایک میان میں دو تلواریں نہیں رہ سکتیں۔ بلوچ کمیونٹی کو ایک شہید چاہئے تھا۔ بگٹی صاحب کے قتل سے پہلے بلوچستان کے حالات یکسر مختلف تھے۔ لیڈر آف اپوزیشن کی تبدیلی میں پی ٹی آئی زوروشور سے آگے بڑھ رہی ہے۔ دوسری جانب خورشید شاہ کی حفاظت میں آصف زرداری میدان میں اتر چکے ہیں۔ آصف زرداری مخالفین کو اکٹھا کرنے میں کامیاب ہو جائیں گے؟ ویسے وہ توڑ جوڑ کے ماہر گنے جاتے ہیں۔ معروف صحافی اور کالم نگار توصیف احمد خاں نے کہا ہے کہ بلوچستان پاکستان کا اہم صوبہ ہے۔ اس کے مسائل حل کرنے کیلئے پچھلی حکومتوں نے کوئی خاص تگ و دو نہیں کی۔ لیکن آج وہاں حالات بدل چکے ہیں۔ مشرف دور میں اکبر بگٹی کے خلاف کیا جانے والا آپریشن متنازعہ بنا ہوا ہے۔ اکبر بگٹی محب وطن انسان تھے۔ وہ غدار ہر گز نہیں تھے۔ ان کے ساتھ معاملہ ڈاکٹر شازیہ کا تھا۔یہ مسئلہ بگٹی سردار کا معاملہ تھا جبکہ اکبر بگٹی غدار نہیں تھا۔ خان آف قلات نے پاکستان کے ساتھ الحاق کا فیصلہ کیا تھا۔ بلوچستان کسی قیمت پر پاکستان سے علیحدہ نہیں ہو سکتا۔ اسحاق ڈار نے ماضی میں بھی 164 کا بیان دیا تھا۔ اس سے وہ مکر نہیں سکتے۔ پی پی پی کے تین ادوار گزرے ہیں پہلا ذوالفقار علی بھٹو کا دوسرا بینظیر بھٹو کا اور تیسرا آصف زرداری کا پی پی پی کے پاس اپوزیشن لیڈر کیلئے ووٹ بینک زیادہ ہے۔ پی ٹی آئی جسے قاتل پارٹی کہتی تھی اس کے ساتھ جا ملی ہے۔ پی پی پی کی پوزیشن اب بھی بہتر ہے۔ معروف صحافی خالد چودھری نے کہا ہے کہ پاکستان، بلوچستان کے بغیر نامکمل ہے۔ تاریخ میں جغرافیے تبدیل ہوتے رہے قلات کو پاکستان سے الحاق کا فیصلہ کوئٹہ کمیونٹی نے کیا تھا۔ بھٹو دور میں ملٹری آپریشن ہوا۔ پی این اے اور بھٹو کے مذاکرات ہوئے انہوں نے کہا آپریشن ختم کریں۔ ضیاءالحق نے انکار کر دیا۔ بھٹو کو اسٹیبلشمنٹ نے آپریشن ختم نہیں کرنے دیا۔ حب الوطنی انسان کے قلب میں ہوتی ہے۔ لوگ پارٹیشن کے وقت اپنے مال دولت جائیدادیں چھوڑ کر پاکستان آئے۔ اور وفا کا مظاہرہ کیا۔ اسحاق ڈار کی دولت میں پچھلے پندرہ سال میں 91 گنا اضافہ ہوا۔ ان کے شاہانہ اسٹائل کو دیکھ کر سمجھ لینا چاہئے کہ یہ ملک کے ساتھ کتنے مخلص ہیں دبئی میں ان کے اربوں روپوں کے پلازے ہیں۔ ان کے بچوں کی گاڑیاں، نائٹ کلب کے اخراجات کروڑوں میں ہیں۔ انہوں نے پاکستان میں جائیداد کا کاروبار ٹھپ کر دیا۔ ملک میں جمہوری دور ہو یا غیر جمہوری، طاقت ایک شخص کے گرد ہی گھومتی رہتی ہے۔ جمہوریت کے لئے سیاسی نظام چلتے رہنے دینا چاہئے۔ کسی جمہوری وزیراعظم کو ٹینور پورا نہیں کرنے دیا گیا۔ کیا جرنیل آسمان سے اترے ہوئے اوتار ہوتے ہیں کوئی دس سال کوئی گیارہ سال۔ کراچی میں بچیوں کو زخمی کر کے تمام اداروں کو ایک سنگین پیغام دیا جا رہا ہے۔ دفاعی تجزیہ کار و کالم نگار میجر جنرل (ر) زاہد مبشر نے کہا ہے کہ بلوچستان بہت اہم صوبہ ہے پاکستان کی گیس، معدنی دولت کا بڑا ذخیرہ یہاں موجود ہے۔ وہاں شروع سے مسائل موجود تھے۔ قبائل جنگیں تھیں۔ پھر غیر ملکی مداخلت تھی آج کے حالات پہلے کی نسبت بہت بہتر ہیں۔ جنیوا میں بلوچستان کے حق میں جو نعرے لگے اور احتجاج ہوا۔ وہ بلوچوں نے نہیں بلکہ غیر ملکی طاقتوں کی ڈوری پر ہلنے والے چند افراد نے کیا۔ بلوچستان کو بجٹ میں بہت بڑا حصہ ملتا ہے۔ ابھی وہاں کے سیکرٹری سے کروڑوں روپیہ برآمد ہوا ہے۔ پاکستان کا ہر سپاہی آخری گولی تک پاکستان کا تحفظ کرے گا۔ اسحاق ڈار بنیادی طور پر ڈرپوک انسان ہے۔ وہ کہتا ہے کہ وکیل کے کہنے پر 164 کا بیان ریکارڈ کروایا۔ جو حقائق پیش کئے وہ درست تھے۔ پاکستان میں عام کاروباری انسان ان کی وجہ سے غیر محفوظ ہو گیا ہے۔ ڈی ایچ اے میں جہاں 400، 500 جائیدادوں کا کاروبار ایک ماہ میں ہوا کرتا تھا۔ اب 4 یا 5 تک آ گیا ہے لوگ ان کے ٹیکس نیٹ سے ڈرے ہوئے ہیں۔ پاکستان میں جمہوریت کی شکل میں آمریت داخل ہو چکی ہے۔ جمہوریت میں شخصیت پرستی ہے۔ خورشید شاہ خود جو چاہیں فیصلہ کر لیں بالآخر زرداری کا حکم آتا ہے اور وہ اسے پورا کرتے ہیں۔ نوازشریف کی بیٹی، وزیراعظم کا کردار ادا کرتی رہی۔ پارٹیوں کا مفاد ملکی مفاد کے بعد آنا چاہئے۔ ہماری آزادی ملک پاکستان کی وجہ سے ہے۔ بھارت سے فلمیں پاکستان تو آ سکتی ہیں یہاں سے وہاں نہیں جا سکتی۔ ہمارا سینسر بورڈ کہاں ہے؟
Monthly Archives: September 2017
وزارت خارجہ کیلئے خواجہ آصف آموزوں نہیں ،احسن اقبال بہتر انتخا ب ہیں :ضیا شاہد
لاہور (مانیٹرنگ ڈیسک) چینل ۵ کے تجزیوں و تبصروں پر مشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی و تجزیہ کار ضیا شاہد نے کہا ہے کہ آرمی چیف یا خواجہ آصف دونوں میں سے کسی ایک کو معذرت کرنی چاہئے، مک مکا نہیں ہونا چاہئے۔ جنرل قمر جاوید باجوہ نے کہا تھا کہ دنیا ڈومور کرے، وزیرخارجہ امریکہ میں اس کے برعکس بیان دے آئے ہیں۔ قومی سلامی اجلاس میں جو بھی فیصلہ ہو لیکن زمینی حقائق کو رد نہیں کیا جا سکتا۔ گزشتہ روز جمعہ کی نماز کے وقت تقریباً ہر مسجد میں خطیب حضرات نے خواجہ ااصف کے بیان کو غلط قرار دیا۔ وزیراعظم اور ان کی ٹیم نے فیصلہ کرنا ہے کہ وزیرخارجہ کا کیا کرنا ہے۔ لوگوں کا کہنا ہے کہ وزیراعظم نے وزیرخارجہ کے منصب پر تقرری کی سلیکشن انتہائی غلط کی۔ اس مقام کے لئے خاص شخصیت کے حامل لوگ چنے جاتے ہیں لیکن اب قحط ورجال کا یہ عالم ہے کہ جو سب سے زیادہ غیر موزوں تھا اس کا انتخاب وزیرخارجہ کے منصب پر کیا گیا۔ خواجہ آصف ھیش میں آنے والے آدمی ہیں۔ پہلے فوج پر تنقید کی جس کی وجہ سے ملٹری و سول حکومت تعلقات خراب ہوئے، ان کو وزارت دفاع بھی شاید فوج کو چڑانے کے لئے دی گئی تھی۔ تقریبات میں فوج کے سینئر افسر خواجہ آصف سے ہاتھ ملانا پسند نہیں کرتے تھے۔ اسمبلی میں بھی نازیبا الفاظ کہتے رہے ہیں۔ کبھی کسی کو کہنا ”کوئی شرم ہوتی ہے کوئی حیا ہوتی ہے“ خواتین کے ساتھ بدتمیزی کرنا، شیریں مزاری کو ”ٹریکٹر ٹرالی“ کہا تھا۔ خواجہ آصف کو اپنی زبان پر کنٹرول نہیں ہے اور نہ ہی ان کے پاس کوئی علمی بیک گراﺅنڈ ہے۔ احسن اقبال بہت مہذب اور پڑھے لکھے آدمی ہیں۔ خواجہ آصف وزیر داخلہ اچھے بن سکتے تھے کیونکہ مارکٹائی میں ماسٹر ہیں۔ وزیرخارجہ ایسے نہیں ہوتے۔ انہوں نے مثال دیتے ہوئے کہا کہ بھارت کی موجودہ وزیرخارجہ سشما سوراج آگرہ میں ان سے ملی تھیں۔ اس وقت وہ وزیراطلاعات تھیں۔ میرے ساتھ چند ایڈیٹر اور بھی موجود تھے ہم نے کشمیر پر بات کی تو انہوں نے کہا کہ کشمیر پر مذاکرات کر لیں لیکن ہمارا نقطہ نظر یہ ہے کہ یہ علاقہ ہمارا ہے آپ اس کو خالی کر دیں۔ زبان کی شیریں لیکن موقف انتہائی سخت رکھتی تھیں۔ اچانک پنجابی بولنا شروع کر دیتی اور ہم سے محبت کا اظہار کرتیں لیکن اندر سے ان کا مزاج کچھ اور ہی ہوتا تھا اس کو ڈپلومیسی کہتے ہیں۔ انہوں نے مزید کہا کہ صاحبزادہ یعقوب علی خان 7 زبانوں کے ماہر تھے، آغا شاہی کمال کے سفارتی ڈپلومیٹ تھے اور عالمی سطح پر مانے جاتے تھے۔ سر ظفراللہ خان جو بعد میں بین الاقوامی عدالت کے جج بھی بنے۔ خورشید قصوری، آصف احمد علی، میاں ارشد حسین، سردار آصف احمد علی، حنا ربانی کھر، منظور قادر، حمید الحق چودھری یہ سب شائستہ زبان بولتے تھے اور معلومات بھی رکھتے تھے۔ ایسے لوگوں کی سیٹ پر وزیراعظم نے خواجہ آصف کو لا بٹھایا ہے۔ اگر طے کر لیا ہے کہ ملک کا بیڑہ غرق ہی کرنا ہے تو پھر میری طرف سے بے شک خواجہ آصف کو وزیراعظم بنا دیں مجھے کوئی اعتراض نہیں۔ اوپر شہر ہے نیچے گیدڑ ہیں جو مرضی کریں۔ میں یہ کہوں گا کہ وزیراعظم شاہد خاقان عباسی نے اپنی ٹیم میں سے وزیرخارجہ کے منصب کے لئے خواجہ آصف کا سب سے برا انتخاب کیا ہے۔ سیالکوٹ کے رہنے والے ہیں ساری عمر حلقہ سیاست کی ہے۔ ان کا مطالعہ ہے نہ انٹرنیشنل امور کو جانتے ہیں۔ انہوں نے مزید کہا کہ عمران خان کو نااہل کرنا یا نہ کرنا عدالتوں کا معاملہ ہے لیکن حنیف عباسی کیا چیز ہے؟ ایسا شخص جو الیکشن میں کامیاب نہیں ہو سکا پھر بھی شیر کی مہربانی سے راولپنڈی کے تمام ترقیاتی پروجیکٹ ان کی جھولی میں ڈال دیئے گئے۔ حنیف عباسی پر ایفی ڈرین کیس چل رہا ہے جو سابق وزیراعظم یوسف رضا گیلانی پر بھی تھا۔ اس ملک میں کسی پر الزام کا بعد میں پتہ ہیں نہیں چلتا کہ اس کا کیا بنا۔ حسین حقانی پر میموگیٹ سکینڈل کیس تھا اس کا بھی آج تک کچھ نہیں پتہ چلا۔ حقانی سے میری اچھی بات چیت تھی لیکن بعد میں کبھی ان کو فون نہیں کیا۔ جب انہوں نے اصفہانی کی بیٹی سے تیسری شادی کی۔ شادیاں کرنے میں وہ بہت ماہر تھے۔ انہوں نے اس سے پہلے ناہید خان کی بہن سے بھی شادی کی تھی ایک اصلی شادی کی جبکہ 3,2 خواتین کو ویسے چکر دیا۔ ایسے شخص کے خلاف میموگیٹ کیس سپریم کورٹ میں ہے۔ گزشتہ روز اخبار میں امریکہ میں پاکستانی سفارتخانے میں لگی ان کی تصویر چھپی دیکھی۔ وزارت خارجہ کو عقل ہی نہیں کہ اس پر ملک سے غداری کا مقدمہ ہے وہ غدار ہے اس کی اتنے عرصے سے پاکستانی سفارتخانے میں تصویر لگی ہوئی ہے کیا وزارت خارجہ اندھی، گونگی و بہری ہے۔ وزارت خارجہ کے بارے میں مختلف اوقات میں یہ فیصلہ کیا گیا کہ غیر ملکی خواتین سے شادیاں کرنے والوں کو نکال دیا جائے معلوم نہیں اس پر عمل ہوا یا نہیں۔ دشمن طاقتوں نے معلوم نہیں کیسے کیسے لوگ وزارت خارجہ میں بھرتی کروا رکھے ہیں اور ان کو تحفظ فراہم کرتے ہیں۔ فوج کے اداروں سے درخواست کرتا ہوں کہ معلوم کریں وزارت خارجہ، سفارتخانوں میں کون لوگ ہیں اور کیا کر رہے ہیں۔ انہوں نے کہا کہ حسین حقانی کے بارے میں آصف زرداری اور یوسف رضا گیلانی سے یقین دہانی کرائی تھی کہ جب عدالت بلائے گی وہ واپس آ جائیں گے۔ یہ دونوں بھی جواب دیں۔ انہوں نے مزید کہا کہ بھارت اکثر مسلم ممالک میں مسلمان سفیر بھیجتا ہے تا کہ ان سے ذاتی تعلقات اچھے بنائے جائیں اور وہ وہاں مختلف تقریبات میں شامل ہوں۔ تاثر یہ دیتا ہے کہ ہم سیکولر ملک ہیں جبکہ اکثر عرب ممالک بھی سمجھتے ہیں کہ پاکستان تو ہے لیکن اس سے زیادہ مسلمان انڈیا میں ہیں۔ انہوں نے کہا کہ کشمیر کے ایشو پر دوسرے ممالک کو اپنے ساتھ ملانے میں ناکامی کے ذمہ دار ہمارے سفیر ہیں۔ کوئی کشمیر کمیٹی کامیاب نہیں ہو سکتی جب تک کسی علم والے شخص کو اس کا سربراہ نہیں بنایا جاتا۔ فضل الرحمن جس کو انگلش ہی نہیں آتی وہ باہر جا کر کہا نمائندگی کرے گا۔ ایک عرصے سے فراڈ کشمیر کمیٹی چلتی آ رہی ہے۔ انہوں نے کہاکہ اگر نواز حکومت رہی تو تیاری کی جا رہی ہے کہ اگلے 3,2 ہزار سال تک ایک ہی گروپ کو برسراقتدار رکھیں یا پھر دو گروپ آپس میں باریاں لیتے رہیں۔ فرحت اللہ بابر نے پرپوزل دیا ہے کہ اپنی عدالتیں بنائیں گے جہاں ججوں و جرنیلوں کے خلاف بھی مقدمے چلیں گے۔ اگر فوج پر مقدمے چلائے جائیں گے تو آئندہ وہ کبھی بھی اندرونی معاملات میں اپنی خدمات نہیں دے گی۔ دنیا بھر میں کبھی کسی فوجی آپریشن پر ان کو عدالتوں میں نہیں لایا گیا۔
نواسہ رسول کی عظیم قربانی کی یاد میںملک بھر میں مجالس عزا اورجلوسون کا سلسلہ جاری
ابوظہبی ٹیسٹ؛ سری لنکا کے خلاف پاکستان کے دونوں اوپنرز آؤٹ
ابو ظہبی: سری لنکا کے خلاف پہلے ٹیسٹ میں پاکستان کی بیٹنگ جاری ہے۔ابو ظہبی ٹیسٹ میں سری لنکا کے 419 رنز کے جواب میں پاکستان کی بیٹنگ جاری ہے۔ تیسرے روز گرین شرٹس نے دو وکٹ کے نقصان پر 121 رنز بنا لیے۔ اوپنرز نے اچھا آغاز فراہم کیا، شان مسعود نے 6 چوکوں کی مدد سے 59 رنز بنائے اور سمیع اسلم نے 4 چوکوں کی مدد سے 51 رنز بنائے۔ شان مسعود کو ہیراتھ نے کلین بولڈ کیا جب کہ پریرا کی بال پر سمیع اسلم ایل بی ڈبلیو ہوگئے۔ اب اظہر علی اور اسد شفیق کی بیٹنگ جاری ہے۔سری لنکا کے خلاف 2 ٹیسٹ میچوں کی سیریز کے پہلے میچ میں دوسرے دن سری لنکا کی پوری ٹیم 10 وکٹوں کے نقصان پر 419 رنز بناکر آؤٹ ہوگئی۔ سری لنکن کپتان چندیمل نے 155 رنز کی شاندار اننگز کھیلی اور آؤٹ نہیں ہوئے۔ پاکستان کی جانب سے لیگ اسپنر یاسر شاہ اور محمد عباس نے 3 ، 3 شکار کئے جب کہ حسن علی نے 2 اور حارث سہیل ایک ایک وکٹ حاصل کی جب کہ محمد عامر کوئی کامیابی حاصل نہ کرسکے۔
بھارتی فوج کی ایل او سی پر رخ چکری راولا کوٹ پر بلا اشتعال فائرنگ
کلبھوشن کے بدلے اے پی ایس حملے کا سرغنہ دینے کی پیشکش،وزیر خارجہ کو بڑی آفر
واشنگٹن (خصوصی رپورٹ) امریکی میڈیا نے دعویٰ کیا ہے کہ افغانستان نے پاکستان کے وزیرخارجہ آصف کو کلبھوشن کے بدلے پشاور اے پی ایس حملے کا سرغنہ دینے کی پیشکش کی ہے۔ وائس آف امریکہ کے مطابق خواجہ آصف نے ایشیا سوسائٹی کی ایک تقریب میں انکشاف کیا کہ افغانستان کے قومی سلامتی ے مشیر نے ایک ملاقات میں انہیں پیشکش کی ہے کہ وہ کلبھوشن یادیو کو افغانستان کے حوالے کرنے کے بدلے پاکستان کو مطلوب اس دہشت گردکو حوالے کرسکتا ہے جو پشاور کے آرمی پبلک سکول پر حملے کا سرغنہ تھا۔ خواجہ آصف کے اس بیان نے ایک نئے سفارتی تنازع کو جنم دے دیا ہے۔ دوسری طرف افغانستان کے قومی سلامتی کے مشیر حنیف اتمار کے دفتر سے جاری ایک بیان میں کہا گیا ہے کمہ حنیف اتمار اور خواجہ آصف کے درمیان ملاقات کے دوران مبینہ قیدیوں کے تبادلے کے حوالے سے قطعا کوئی بات چیت نہیں ہوئی ہے۔
9 محرم الحرام کی مناسبت سے ملک بھر میں ماتمی جلوس
میدان کربلا میں نواسہ رسول صلی اللہ علیہ وسلم اور ان کے ساتھیوں کی قربانیوں کو خراج عقیدت پیش کرنے کے لیے ملک بھر میں 9 محرم الحرام کی مناسبت سے ماتمی جلوس برآمد ہورہے ہیں۔ملک بھر کے تمام چھوٹے بڑے شہروں، قصبوں اور دیہات میں 9 محرم الحرام کی مناسبت سے ماتمی جلوس برآمد ہورہے ہیں، کراچی میں 9 محرم الحرام کی مرکزی مجلس نشتر پارک سے برآمد ہوا جو مقررہ راستوں سے ہوتا ہوا حسنیہ ایرانیاں کھارادر پہنچے گا، ماتمی جلوس کی سیکیورٹی کے لئے اس کے راستوں کو 2 روز قبل سے ہی بند کردیا گیا ہے، کسی بھی صورت حال سے نمٹنے کے لئے شہر میں سیکیورٹی کے انتہائی سخت انتظامات کیے گئے ہیں اور شہر میں موبائل فون سروس بند ہے جب کہ موٹر سائیکل کی ڈبل سواری پر بھی پابندی عائد ہے۔ اس کے علاوہ رینجرز اور فوج کے دستے بھی الرٹ ہیں جبکہ شہر کے تمام سرکاری اسپتالوں میں ایمرجنسی نافذ ہے۔لاہورمیں 9 محرم الحرام کا مرکزی ماتمی جلوس پانڈو اسٹریٹ اسلام پورہ سے برآمد ہوا جو روایتی راستوں سے ہوتا ہوا امام بارگاہ خیمہ سادات جین مندر پراختتام پذیرہوگا، شہر بھر میں اس حوالے سے سیکیورٹی کے سخت انتظامات کیے گئے ہیں، 2 روز کے لئے دفعہ 144 نافذ کرکے ڈبل سواری پرپابندی لگادی گئی ہے اور کئی شہروں میں آج موبائل فون سروس جزوی اور کل مکمل بند رہے گی۔اسلام آباد میں مرکزی ماتمی جلوس سیکٹر جی سکس میں واقع امام بارگاہ اثنا عشری سے برآمد ہوا جو مقررہ راستوں ہوتا ہوا دوبارہ اسی مقام پر اختتام پذیر ہوگا۔ جلوس کے راستوں کو کنٹینرز لگا کر بند کردیا گیا ہے جبکہ جلوس میں داخل ہونے افراد کی سخت جامع تلاشی لی جارہی ہے۔کوئٹہ میں 9 محرم الحرام کا ماتمی میکانگی روڈ پر واقع امام بارگاہ ناصر العزا سے برآمد ہوا اور اپنے مقررہ راستوں رواں دواں ہے، اس موقع پر سیکیورٹی کے سخت انتظامات کئے گئے ہیں اور جلوس کے راستوں کو کسی بھی قسم کی آمدو رفت کے لئے مکمل طور پر بند کردیا گیا تھا۔ پشاور میں علم اور شبہیہ ذوالجناح کا ماتمی جلوس صدر میں امام بارگاہ حسینیہ سے برآمد ہوا اور اپنے روایتی راستوں جی پی او لین اور فوارہ چوک سے ہوتا ہوا واپس امام بارگاہ حسینیہ پہنچ کر اختتام پذیر ہوگا۔
نوجوانوں کیلئے سب سے بڑی خوشخبری ،پاک فوج میں شمولیت کیلئے درخواستیں طلب کرلیں ،طریقہ کیا ہے ،دیکھئیے خبر
لاڑکانہ(این این آئی) آرمی سلیکشن و رکروٹمنٹ آفیس لاڑکانہ کے میجر صفیان احمد نے اپنے جاری کردہ اعلامیہ میں کہا ہے کہ پاک فوج میں بھرتی کے لیے رجسٹریشن جاری ہے۔ لاڑکانہ، قمبر شہدادکوٹ، شکارپور، جیکب آباد، دادو، کشمور کندھ کوٹ اضلاع کے نوجوانوں کی رجسٹریشن 16 اکتوبر 2017 پر ڈگری کالج لاڑکانہ کے بھرتی مرکز میں کی جائے گی۔ جس میں قابلیت میٹرک پاس اور میٹرک کے دوران عمر ساڑے 17سالہ سے 23 سال تک، بی اے، بی اے سی کے لیے عمر ساڑے 17 سال سے 24 سال تک، قد 5 فوٹ 6 انچ میٹرک والوں کے لیے قد5 فوٹ 3 انچ، اس کے ساتھ بھرتی میں مطلوب کاغذ جن میں ومیسائل اور پی آر سی، اصل تعلیمی سرٹیفکٹ میٹرک اور اس سے زیادہ، کمپیوٹرائیزڈ شناختی کارڈ یا 18 سال سے کم عمر کے لیے ب فارم ضروری ہے، والد کا شناختی کارڈ کی کاپی، 4 عدد فوٹو، کم از کم چار موبائل نمبر، آن لائین رجسٹریشن کے لیے ویب سائیٹ www.joinpakarmy.gov.pk استعمال کریں، پاک فوج میں بھرتی ہوکر ملک اور قوم کی خدمت کریں۔
پاکستانیوں پر ٹرمپ کی عائد کردہ سفری پابندی کےمنفی اثرات
ڈونلڈ ٹرمپ کے امریکی صدر بننے کے بعد ویزے کی سخت پالیسی کا سب سے بڑا شکار پاکستان سمیت اسلامی ممالک ہوئے جبکہ ماضی کے مقابلے میں رواں سال پاکستانیوں کو 26 فیصد کم نان امیگرنٹ ویزے جاری کیے گئے۔معروف امریکی آن لائن میگزین پولیٹیکو کی رپورٹ کے مطابق امریکی صدر کی سخت ویزا پالیسی کے اعلان کے بعد پاکستان بھی ان اسلامی ممالک میں شامل ہوگیاہے جن کے شہریوں کو امریکی ویزوں کی تعداد میں نمایاں کمی آئی ہے۔یاد رہے کہ ٹرمپ نے رواں سال کے اوائل میں ایگزیکٹیو آرڈر کے ذریعے ایران، عراق، لیبیا، صومالیہ، شام ، یمن اور سوڈان کے شہریوں پر سفری پابندی عائد کی تھی تاہم بعد میں عراق اور سوڈان کو فہرست سے خارج کرکے افریقی ملک چاڈ، شمالی کوریا اور وینزویلا کو شامل کیا گیا تھا۔پاکستان ان ممالک میں شامل نہیں تھا جن پر امریکا کی جانب سے سفری پابندیاں عائد کی گئی تھیں لیکن شہریوں کو ویزے کے اجرا میں واضح کمی آئی ہے۔
”قرض اُتارو ملک سنوارو“کے 22ہزار 8سو کھرب کی تفصیلات طلب
کراچی(خصوصی رپورٹ)درخواست میں موقف اپنایاگیاہے کہ قرض اتارو ملک سنوارو مہم کے بائیس ہزار آٹھ سو کھرب کی تفصیلات فراہم کی جائیں۔ روزنامہ دنیا کے مطابق یہ رقم چترال کے تاجرعبداللہ کی نشاندہی پر ہیروں کی نیلامی کے ذریعے حاصل کی گئی۔ چترال کے تاجر نے نواز شریف کو چترال میں بائیس ہزارآٹھ سو کھرب مالیت کے ہیروں کی نشاندہی کی۔ اس ضمن میں نواز شریف کے گھر پر اجلاس ہوا۔سابق وزیر اعظم نے اپنے داماد کیپٹن (ر)صفدر کو مقامی تاجر کے ہمراہ چترال بھیجا۔چترال سے ہیروں کے چھ صندوق لاہورلائے گئے ،ہیروں کی نیلامی کی کارروائی نواز شریف کے گھر لاہور ماڈل ٹاﺅن میں ہوئی، درخواست میں سیکرٹری داخلہ، ڈائریکٹر انٹر پول،ڈی جی ایف آئی اے ، نواز شریف ،پرویز مشرف ،آصف زرداری ، نیب حکام کو فریق بنایا گیا ہے ۔
3خود کش بمبار لاہور داخل ،سنسنی خیز خبر
لاہور ‘کراچی‘ پاراچنار (خصوصی رپورٹ) ملک بھر میں یوم عاشور کل مذہبی عقیدت واحترام کے ساتھ منایا جائے گا۔ چھوٹے بڑے شہروں قصبوں میں علم اور ذوالجناح کے جلوس نکالے جائیں گے اور شام غریباں برپا کی جائے گی۔ آج (نویں)) اور کل (دسویں محرم پر) ملک بھر میں عام تعطیل ہو گی، سبیلیں اور لنگر تقسیم کیا جائے گا۔ یوم عاشور کے موقع پر سکیورٹی کے سخت ترین انتظامات کو حتمی شکل دے دی گئی ہے۔ آج نو محرم الحرام کو ملک بھر میں شبیہ علم، تابوت اور ذوالجناح کے جلوس نکالے جائیں گے اور پھر مجلس شب عاشور کا انعقاد کیا جائے گا۔ اس رات شب بیداری کی جائے گی اور مخصوص اعمال اداکئے جائیں گے، آج (9محرم) کی رات صوبائی دارالحکومت میں شبیہ ذوالجناح کا مرکزی جلوس قدیمی نثار حویلی سے برآمد ہوگا جو اپنے مقررہ راستوں سے گزرتا ہوا کل (یوم عاشور کی) رات کربلا گامے شاہ پہنچ کر اختتام پذیر ہوگا۔ لاہور میں 8محرم الحرام کے موقع پر مختلف مقامات پر مجالس کا انعقاد کیا گیا جن میں شہد کربلا کی فضیلت بیان کی گئی۔ گزشتہ روز ذوالجناح کے جلوس نکالے جن میں مرکزی جلوس امام بار گاہ بلاک سیداں اسلام پورہ سے برآمد ہوا۔ جبکہ اندرون شہر امام بارگاہ دربار حسین سندر شاہ موری گیٹ سے برآمد ہونے والا جلوس پرانی انارکلی موج دریا پہنچ کر اختتام پذیر ہوا۔ جبکہ جلوس صبح 9بجے گول گراﺅنڈ شادباغ سے برآمد ہوا۔ شبیہ ذوالجناح کا ایک جلوس دوپہر دوبجے امام بارگاہ حسینیہ بھارت نگرچمڑہ منڈی سے برآمد ہوا۔ شام6 بجے امام بارگاہ خواجہ ذوالفقار مومن پورہ سے شبیہ گہوارہ علی اصغر برآمد ہواجبکہ رات 9بجے سید مٹھا بازار سے جلوس تعزیہ برآمد ہو کر ایک بجے رات کے قریب چوک ناولٹی سینما میںاختتام پذیر ہواجبکہ دیگرامام بارگاہوں سے بھی شبیہ ذوالجناح، تعزیہ اور علم کے جلوس برآمدہوئے۔ آج سے لاہور سمیت انتہائی حساس شہروں میں موبائل اور انٹرنیٹ سروس معطل کر دی جائے گی جبکہ دیگر حساس شہروں کے علاوہ امام بارگاہوں اور ماتمی جلوسوں اور ان کے راستوں پر بھی جیمر کے ذریعے موبائل اور انٹرنیٹ سروس معطل کی جائے گی۔ یہ سروس 10 محرم کو رات 12 بجے بحال کی جائے گی۔ نوٹیفکیشن کے مطابق آج اور کل نویں اور دسویں محرم میں صوبہ بھر میں ڈبل سواری پر بھی مکمل پابندی عائد کر دی گئی ہے۔ وزارت بجلی و پانی نے لیسکو سمیت تمام ڈسکوز کو نو اور دس محرم کو مجالس اور جلوسوں والے روٹوں پر لوڈ شیڈنگ نہ کرنے کی ہدایت کر دی۔ تمام ڈسکوز کے جانب سے گزشتہ روز مغرب کے بعد سے ہدایت پر عملدرآمد شروع کر دیا گیا۔ گزشتہ مغرب کے بعد سے بجلی کی بلا تعطل فراہمی کے لئے صبح کے وقت شیڈول سے زائد لوڈ شیڈنگ کی گئی ۔شہروں میں صبح کے وقت ہر گھنٹے کے بعد ایک گھنٹے کی لوڈشیڈنگ کی گئی جبکہ دیہی علاقوں میں دن کے ساتھ رات کو بھی لوڈ شیڈنگ کا سلسلہ جاری رکھا گیا۔ پولیس نے لاہور سمیت صوبہ بھر میںنویں اور دسویں محرم الحرام کے دوران دہشت گردی کے ممکنہ خدشات کے پیش نظر سکیورٹی کے غیر معمولی انتظامات کئے ہیں۔صوبہ بھر میں 9173 جلوسوں کی سکیورٹی کیلئے 135370اہلکاروافسران پر مشتمل نفری فرائض سرانجام دے گی‘ جن میں 26534 پولیس قومی رضاکار، 5590 سپیشل پولیس اور67692 رضاکار بھی پولیس کی معاونت کریںگے۔ دس اضلاع لاہور، راولپنڈی ،ملتان ،جھنگ ،سرگودھا ،گجرات ،فیصل آباد، وہاڑی ،بہاولپور اور لیہ کوانتہائی حساس قرار دیا گیا ہے جبکہ صوبہ بھر میں893حساس مقامات کی نشاندہی کر کے انہیںکیٹیگری اے، بی اور سی میں تقسیم کر کے سکیورٹی انتظامات کئے گئے ہیں۔ حساس اضلاع اور مقامات پر فوج اور رینجر زکی تعیناتی کے علاوہ فوج اور رینجر ز کے دستوں کو بھی ہنگامی صورتحال سے نمٹنے کیلئے سٹینڈبائی رکھاگیا ہے۔ دہشت گردی کے ممکنہ خدشات کے پیش نظر گزشتہ روز پولیس وقانون نافذ کرنے والے اداروں نے سکیورٹی ہائی الرٹ کر کے شہر بھر میں ناکے لگائے رکھے جبکہ نماز جمعہ کے وقت مساجد، امام بارگاہوں نماز جمعہ کے اجتماعات کی سکیورٹی کے لئے سخت انتظامات کئے گئے۔ رینجرزاورپولیس نے امن وامان کی صورتحال کوبہتررکھنے کے لیے محرم الحرام کے مرکزی جلوس کے روٹس پرفلیگ مارچ کیا۔ لاہور، کراچی، پشاور سمیت ملک کے بڑے شہروں میں 9اور دس محرم کو ڈبل سواری پر بھی مکمل پابندی عائد ہو گی۔ کراچی، فیصل آباد سمیت سندھ اور پنجاب کے کئی اضلاع میں موبائل فون سروس بند رہی جو رات 10 بجے بحال کر دی گئی۔ دوسری طرف کراچی اور پشاور میں تین دن کے لئے موٹرسائیکل کی ڈبل سواری پر پابندی عائد ہوگی جبکہ خیبر پی کے کے حساس اضلاع میں 9 اور دس محرم کو موبائل سروس بند ہوگی۔ محرم الحرام میں جنوبی وزیرستان میں پاکستان افغان بارڈر کو 5دن کے لئے سیل کر دیا گیا۔ انتہائی حساس قرار دئیے گئے پاراچنار کو مکمل طور پر سیل کردیا گیا ہے۔نویںاوردسویں محرم الحرام کے دوران سکیورٹی کو فول پروف بنانے کیلئے پاک فوج کی کمپنیاں ننکانہ صاحب بھی پہنچ گئیں۔ دوسری طرف وزارت داخلہ نے 9 اور 10 محرم کو ملک بھر میں عام تعطیل کا اعلان کرتے ہوئے نوٹیفکیشن بھی جاری کر دیا ہے جس کے مطابق 30 ستمبر اور کل یکم اکتوبر کو چھٹی ہو گی۔
محرم‘ موبائل فون
نواز شریف کو”ن“ لیگ کا دوبارہ صدر بنانے کیلئے سرگرمیاں تیز
اسلام آباد، لاہور (آن لائن+ مانیٹرنگ ڈیسک) سابق وزیر اعظم نواز شریف کو پارٹی صدر بنانے کے لئے مسلم لیگ ن کے جنرل کونسل کے اجلاس 3 اکتوبر کی شام پانچ بجے طلب کر لیا گیا ہے۔ تفصیلات کے مطابق مسلم لیگ ن نے سابق ناہل وزیر اعظم میاں محمد نواز شریف کو دوبارہ مسلم لیگ ن کا صدر بنانے کی راہ ہموار کرنے کے لیے سینٹ سے انتخاب بل 2017منظور کروا لیا تھا۔ اس بل کی شق 203کے مطابق نا اہل شخص بھی کسی سیاسی پارٹی کا صدر بن سکتا ہے جبکہ پہلے ایسا نہیں تھا ۔ مسلم لیگ ن کے منصوبے کے مطابق حکمران جماعت انتخاب بل 2017کو 2اکتوبر کو قومی اسمبلی سے منظور کروا لے گی ۔ اگر انتخاب بل 2017منظور ہو جاتا ہے تو 2اکتوبر ہی کو صدرممنون حسین کے دستخط کے بعد یہ قانون کاحصہ بن جائے گا ۔یوں قانون کے مطابق نا اہل شخص کو سیاسی پارٹی کی صدارت کا حق حاصل ہو جائے گا ۔اگر ایسا ہوتا ہے تو 3اکتوبر کو مسلم لیگ ن کے جنرل کونسل کے اجلاس میں سابق نا اہل وزیر اعظم میاں محمد نواز شریف کے دوبارہ مسلم لیگ ن کا صدر بنا لیا جائے گا۔سابق وزیرِ اعظم نے کہا ہے کہ ووٹ کا تقدس بحال ہو گیا تو سمجھ لیں ہم سب کامیاب ہو گئے۔ 20 کروڑ عوام کی جنگ لڑ رہے ہیں، سازشیں کرنے والے جلد بے نقاب ہوں گے۔ سابق وزیرِ اعظم میاں محمد نواز شریف کا لاہور میں کارکنوں سے گفتگو میں کہنا تھا کہ مسلم لیگ ن جھوٹ کی نہیں بلکہ اقدار کی سیاست کرتی ہے۔ ہم 20 کروڑ عوام کی جنگ لڑ رہے ہیں۔ سازش کرنے والے بہت جلد بے نقاب ہوں گے۔ ووٹ کا تقدس بحال ہو گیا تو سمجھ لیں ہم سب کامیاب ہو گئے۔سابق وزیرِ اعظم نے کہا کہ ہماری کوششوں سے ملک ترقی کے زینے طے کر رہا ہے۔ تمام اداروں کی مشترکہ کوششوں سے ملک میں امن و امان قائم ہوا جبکہ دہشت گردی کے خاتمے سے ملک میں خوشحالی آئی۔ نواز شریف کا کہنا تھا کہ قوم کی دعاں سے بیگم کلثوم نواز کی طبیعت میں بہتری آئی، جلد صحتیابی کے لیے بھی دعاں کی اپیل ہے۔
اپوزیشن لیڈر کیلئے ہماری بات نہ مانی گئی تو سڑکوں پر آجائینگے
اسلام آباد (مانیٹرنگ ڈیسک، آئی این پی) چیئرمین تحریک انصاف عمران خان نے کہاہے کہ میں کسی کو نہیں چھوڑوں گا ، خواجہ آصف سمیت سب کو عدالتوں میں لے کر جاوں گا۔میں سمجھتا ہوں کہ اپوزیشن لیڈر شاہ محمود قریشی کو ہونا چاہیے، ہماری بات نہ مانی گئی تو ہم سڑکوں پر آسکتے ہیں۔عمرا ن خان نے دعوی کیا کہ اورنج ٹرین سے متعلق 2سوارب روپے کاخفیہ معاہدہ ہے جبکہ حکومتی عہدیدارو ں نے عدالت میں تسلیم کیاہے معاہدہ خفیہ ہے،اگر ہم اداروں میں بہتری لانے کی کوشش کرتے ہیں تومافیامخالفت کرتاہے۔انہوں نے کہا کہ این اے 120میں تمام حکومتی مشینری شریف خاندان کی تھی ۔ووٹ خریدنے کیلئے 8،8ہزار روپے فی کس ادا کئے گئے،جمہوریت اخلاق سے چلتی ہے لوگوں کو خریدنے سے نہیں عمران خان نے کہا ہے کہ مسلم لیگ(ن) کو مجرموں کے علاوہ کوئی نہیں مل رہا، موجودہ وزیراعظم پر ایل این جی کا الزام ہے، شریف فیملی پر 300ارب کی کرپشن کا الزام ہے، حنیف عباسی کی 500ارب روپے کا ایفیڈرین کیس ابھی تک عدالت میں نہیں لگا،یہ حکومت کا کام ہے کہ ایفیڈرین کیس میں پکڑے گئے ان کے معاملات آگے بڑھائے،ہماری معیشت کو اسحا ق ڈار نے تباہ کر دیا ،وزیر خزانہ پر کرپشن کے سنگین الزامات ہیں مگر وہ استعفیٰ نہیں دے رہے، ملکی معیشت کا اتنا برا حال کبھی نہیں تھا جو آج ہے،گورنر سندھ محمد زبیر اپنا ضمیر بیچ کر گورنر سندھ لگے ہیں،جمہوریت اخلاقی قوت پر چلتی ہے جبکہ آمریت بندوق کے زور پر چلتی ہے، ظفر حجازی جس کا تعلق ایس ای سی پی سے تھا، وہ ان کی کرپشن بچارہا تھا، اسی طرح نیب ان کی کرپشن بچا رہا تھا، اگر طاقتور شخص فیصلے کو تسلیم نہیں کرتا تو عام آدمی کیسے کرے گا، خواجہ آصف کو کبھی وزیر خارجہ نہیں بننا چاہیے تھا،انکے بیان پر پاکستان کو نقصان پہنچا، ملیحہ لودھی نے بھارت کو جو جواب دیا خواجہ آصف نے غلط ثابت کر دیا، شاہ محمود قریشی کو اپوزیشن لیڈر بننا چاہیے، اپوزیشن لیڈر کی تبدیلی پر ابھی صرف ایم کیو ایم سے بات ہوئی ،(ق)لیگ کے دور میں (ن)لیگ پنجاب میں بلدیاتی الیکشن نہیںجیت سکی،(ن)لیگ نے شور مچایا کہ تحریک انصاف نے ان کے لوگ اٹھائے ۔وہ جمعہ کو نجی ٹی وی کو انٹرویو دے رہے تھے۔چیئرمین تحریک انصاف عمران خان نے کہا کہ حنیف عباسی کا بس چلے تو وہ یہ کہہ دے کہ جو پیسہ جمائما کے پاس تھا وہ جمی گولڈ سمتھ سے آیااور پھر جمی گولڈ سمتھ نے پیسہ کیسے کمایا، مسلم لیگ(ن) کو مجرموں کے علاوہ کوئی نہیں مل رہا، موجودہ وزیراعظم پر ایل این جی کا الزام ہے، وزیر خزانہ پر بھی الزامات ہیں، شہباز شریف عدالت میں کہتے ہیں کہ اورنج ٹرین کاکنٹریکٹ خفیہ ہے، یعنی اس قوم کا200ارب روپیہ خرچ ہورہا ہے وہ خفیہ ہے۔ انہوں نے کہا کہ میرا سارا بچپن اپنے والدین کے ہمراہ پہاڑوں پر گزرا،پاکستان میں سیاحت میں بہت مواقعے ہیں اگر آپ نے ان علاقوں میں نوکریاں دینی ہیں تو سیاحت کو بڑھادیں، خیبرپختونخوا میں ایک سال میں 65فیصد سیاحت بڑھی ہے اور 5گنا یعنی 50فیصد غربت پنجاب کے مقابلے میں کم ہوئی ہے،اس کی سب سے بڑی وجہ سیاحت میں اضافہ ہے، میں سیاحت کےلئے نئی جگہیں تلاش کررہا ہوں کیونکہ پرانے مقامات پر رش بہت بڑھ گیا ہے۔عمران خان نے کہا کہ حنیف عباسی کی 500ارب روپے کا ریفیڈرین کیس ابھی تک عدالت میں نہیں لگا،اصغر خان کا 25سال کیس نہیں لگا، شریف خاندان کے 17کیسز زیر التواءہیں وہ ابھی تک عدالت میں نہیں گئے، حدیبیہ پیپر مل کا کیس بھی 17سال پرانا ہے۔ انہوں نے کہا کہ یہ حکومت کا کام ہے کہ جو لوگ ایفیڈرین کیس میں پکڑے گئے ان کے معاملات آگے بڑھائے،ان لوگوں نے اداروں کے سربراہ اپنے بندے لگا رکھے ہیں جیسے ظفر حجازی جس کا تعلق ایس ای سی پی سے تھا، وہ ان کی کرپشن بچارہا تھا، اسی طرح نیب بھی ان کی کرپشن بچا رہا تھا۔ عمران خان نے کہا کہ انتخابات کےلئے اپوزیشن صرف مطالبہ کر سکتی ہے، ہماری معیشت کو اسحاق ڈار نے تباہ کر دیا ہے، گورنر سندھ محمد زبیر اپنا ضمیر بیچ کر گورنر سندھ لگے ہیں، انہوں نے قرضے لے کر ملک کو برباد کر دیا ہے،وزیر خزانہ پر کرپشن کے سنگین الزامات ہیں مگر وہ استعفیٰ نہیں دے رہا، جمہوریت اور آمریت میں یہ فرق ہے کہ جمہوریت اخلاقی قوت پر چلتی ہے جبکہ آمریت بندوق کے زور پر چلتی ہے، انگلینڈ کی وزیراعظم کو ضرورت نہیں تھی مگر اس نے دوبارہ الیکشن کروا کر مینڈیٹ حاصل کیا۔انہوں نے کہا کہ ملکی معیشت کا اتنا برا حال کبھی نہیں تھا جو آج ہے، شریف فیملی پر 300ارب کی کرپشن کا الزام ہے، عمران خان نے کہا کہ اگر طاقتور شخص فیصلے کو تسلیم نہیں کرتا تو عام آدمی کیسے کرے گا، خواجہ آصف کو کبھی وزیر خارجہ نہیں بننا چاہیے تھا،خواجہ آصف نے کہا کہ نواز شریف کو بھارت سے دوستی کی سزا ملی، خواجہ آصف کو امریکہ میں پاکستان کا موقف پیش کرنا چاہیے تھا،خواجہ آصف کے بیان پر پاکستان کو نقصان پہنچا، ملیحہ لودھی نے بھارت کو جو جواب دیا خواجہ آصف نے غلط ثابت کر دیا۔ انہوں نے کہا کہ شاہ محمود قریشی کو اپوزیشن لیڈر بننا چاہیے، اپوزیشن لیڈر کی تبدیلی پر ابھی صرف ایم کیو ایم سے بات ہوئی ہے۔انہوں نے کہا کہ تعلیم اور صحت میں خیبرپختونخوا دیگر صوبوں سے آگے ہے، پاکستان میں بھی اصلاحات کریں گے مسائل آئیں گے۔۔ تحریک انصاف کے چیئرمین نے کہا کہ ہم نے خیبرپختونخوا کے گورنمنٹ ہسپتالوں کا مینجمنٹ سسٹم بہتر کیا، آج خیبرپختونخوا کے ہسپتالوں میں 9ہزار ڈاکٹرز ہیں اور اساتذہ کی بھرتی میرٹ پر ہو رہی ہے، پشاور میٹرو کی تکمیل کا وقت ابھی نہیں بتا سکتا، مسلم لیگ (ق)کے دور میں مسلم لیگ (ن) پنجاب میں بلدیاتی الیکشن نہیں جیت سکتی،(ن)لیگ نے شور مچایا کہ تحریک انصاف نے ان کے لوگ اٹھائے ہیں۔
