چوتھی بار جرمن حکمران بننے والی انجیلا مرکل بارے وہ باتیں جو آپ کو معلوم نہیں۔۔۔!

برلن (خصوصی رپورٹ) انجیلا مرکل انتخابات میں کامیابی حاصل کرکے چوتھی بار جرمنی کی چانسلر منتخب ہوگئیں ، جرمن پارلیمانی انتخابات کے ابتدائی نتائج کے مطابق چانسلر انجیلا میرکل کی جماعت کرسچن ڈیموکریٹک یونین (سی ڈی یو) سب سے زیادہ ووٹ حاصل کرنے میں کامیاب رہی جبکہ سوشل ڈیموکریٹک پارٹی اپنی تاریخ کی خراب ترین کارکردگی کا مظاہرہ کرتے ہوئے صرف 20.2 فیصد ووٹ حاصل کر پائی۔جرمن خبررساں ادارے ”ڈی ڈبلیو “ کے مطابق جرمنی کے انتخابات میں انجیلا میرکل کی پارٹی کرسچن ڈیموکریٹک یونین(سی ڈی یو) کو 32.7 فیصد ووٹ ملے ہیں، جو گزشتہ انتخابات سے آٹھ فیصد کم ہیں۔ دوسری جانب سوشل ڈیموکریٹک پارٹی اپنی تاریخ کی خراب ترین کارکردگی کا مظاہرہ کرتے ہوئے صرف 20.2 فیصد ووٹ حاصل کر پائی۔ ان انتخابات میں تیسری بڑی قوت مسلم اور مہاجرین مخالف جماعت اے ایف ڈی رہی، جسے ملنے والے ووٹوں کی شرح 13فیصد بنتی ہے۔ اسی طرح فری ڈیموکریٹک پارٹی10 فیصد، گرین پارٹی اور ڈی لنکے کو9،9 فیصد ووٹ ملے ہیں۔