عوام کی پسندیدہ ترین سیاستدان قرار

نیویارک(اے پی پی) امریکی اخبار ”دی وال اسٹریٹ جنرل“نے بھارتی وزیر خارجہ ششما سوراج کو ملک کی سب سے پسندیدہ سیاستداں قراردیا ہے۔ اخبار میں شائع ہونے والے ایک آرٹیکل کے مطابق ، خاص طور پر بیرون ملک مقیم بھارتیوں پر انتہائی توجہ دینے کی بدولت ششما سوراج بھارت کی سب سے زیادہ پسندیدہ وزیر خارجہ بن چکی ہیں۔آرٹیکل میں لکھا گیا ہے کہ 65سالہ ششما سوراج اپنی وزارت میں رہتے ہوئے بھارتی شہریوں کے مسائل حل کرنے میں ہر ممکن مدد کرتی ہیں۔ انہوں نے یہ کام اس وقت خود سنبھالا جب ان پر یہ واضح ہوگیا کہ وزیر اعظم نریندر مودی خارجہ اور سکیورٹی پالیسی پر اپنا کنٹرول رکھنا چاہتے ہیں۔ ٹویٹر پر ان کے فالوورز کی تعداد8.69 ملین ہے اور یوں وہ ٹویٹر پر ٹاپ 10میں شامل ہوگئی ہیں۔وہ مدد کے طالب زیادہ لوگوں کو ٹویٹر پر جواب دیتی ہیں۔انہیں ٹویٹ کرنے والوں میں پاکستانی شہری بھی شامل ہیں۔